കാമുക

ഈ ഭാഗവും വായിച്ചു.നന്നായിരുന്നു.പുതിയ ഒരു കഥാപാത്രത്തെ കൂടി അവതരിപ്പിച്ചു.
ക്വീൻ ഓഫ് ഇവിൾ ബെർനെറ്റ് ഒരുപാട് നിഗൂഢതകളുള്ള ഒരു കഥാപാത്രം തന്നെയാണ്.അവൾ മനുഷ്യൻ മാത്രമല്ല ഒരു ഈവിൾ സ്പിരിറ്റ്‌ സ്വന്തം ശരീരത്തിൽ കൊണ്ട് നടക്കുന്നവൾ കൂടിയാണ്.സാധാരണ മനുഷ്യനല്ല അവൾ.ഭൂമിക്കുപുറത്തുള്ള ശക്തികളെക്കുറിച്ച് ധാരണയുള്ളവളുമാണ് ബെർനെറ്റ്.

വേണ്ട വിവരങ്ങളെല്ലാം ലഭിച്ച ബെർനെറ്റ് ഉചിതമായ സമയത്ത് തന്നെ അന്ധകാര ശക്തിയെ തന്നിലേക്ക് ആവാഹിച്ചു.പുതിയ അധ്യായത്തിൽ അവൾക്കുള്ള മുൻ‌തൂക്കം കാണുകയും ചെയ്തു.ലോകത്തെ തന്റെ കാൽപ്പിടിയിൽ ഒതുക്കുക എന്ന തന്റെ ലക്ഷ്യം നേടാൻ ചിലതിനെ തന്റെയൊപ്പം നിർത്തുക എന്നതിനാണ് അവളിപ്പോൾ പ്രാധാന്യം കൊടുക്കുന്നതും.അതിനുള്ള വഴിയും സാഹചര്യങ്ങളും ഒത്തുവന്നത് ഇപ്പൊ ആണെന്ന് മാത്രം.

തനിക്ക് ശല്യമായ മെറിനെ ഇല്ലാതാക്കുക എന്ന നിസാര കാര്യത്തിൽ നിന്നും റോഷനെ അറിയുന്നതിലൂടെ ലോകത്തെ തന്റെ കാൽ ചുവട്ടിലാക്കുക എന്ന ചിന്തയിലേക്ക് വന്ന ബെർന്നെറ്റിലെ ആ തീരുമാന മാറ്റമാണ് ഈവിൾ സ്പിരിറ്റിനെ തന്നിലേക്ക് ആവാഹിച്ചു ശക്തയാകുന്നതിൽ എത്തിച്ചത്.ബോണസ് പോലെ മീനുവിനെ അവൾ തിരിച്ചറിഞ്ഞു, അവൾ തേടി നടന്ന ശക്തിയാണവൾ. അത് കാരണമാണ് മെറിന് വേണ്ടി വന്നവൾ മീനുവുമായി പോയത്.

ഇനി പുതിയ അധ്യായതിന്റെ മറ്റ് ഭാഗങ്ങളിലേക്ക് വന്നാൽ ബെർനെറ്റിനുള്ള കഴിവ് പ്രധാനമാണ്.മറ്റുള്ളവരുടെ ശക്തി തന്നിലെത്തിക്കുക എന്നത്. പക്ഷെ ഡെസ്ട്രോയർ അതിന് അപവാദവും. സൊ അവൾ റോഷനെ കൂടെ നിർത്താനാവും ശ്രമിക്കുക.

സഹായം വേണ്ടെന്ന് വച്ച റോഷനെയും കാണാം. ആത്മവിശ്വാസമുണ്ടവന്. പക്ഷെ എതിരാളികളെ അണ്ടർ എസ്റ്റിമേറ്റ് ചെയ്തോ എന്നൊരു ചോദ്യം അവിടെയുണ്ട്.അവന്റെ തീരുമാനത്തെ അംഗീകരിച്ചു പിന്മാറുന്ന അമ്മ
ഓർക്കിട് ഡാർക്ക്‌ ഡിസംബർ റോസ് മുതലായവരെയും കാണാം.പക്ഷെ ട്രിനിറ്റിക്ക് അവന്റെ സഹായത്തിനു ചെല്ലണം എന്നാണ് താനും. ക്വീനിന്റെ ദേഷ്യത്തിന് കാരണം രണ്ടാണ് 1)റോഷനെ സഹായിക്കാൻ കഴിയുന്നില്ലല്ലോ എന്ന വ്യസനം 2)ട്രിനിറ്റി എതിര് പറയാൻ ശ്രമിക്കുന്നത്.എന്നാലും മെറിന്റെ കാര്യത്തിൽ റോഷൻ സഹായം ചോദിക്കുന്നുമുണ്ട്.

ഇഗയാത്തിനയുടെ വാക്കുകളിൽ നിന്നും ഭൂമിയിൽ മീനുവിന് തന്റെ ശക്തിയെക്കുറിച്ച് ഓർമ്മ കാണില്ല എന്നാണ് മനസ്സിലാവുന്നത്. റോഷൻ അത് മറികടക്കുന്നു.നല്ല ഉദ്ദേശം വച്ച് അവൻ ചെയ്ത പ്രവർത്തിമൂലം ബെർനെറ്റ് മീനുവിനെ പെട്ടെന്ന് തിരിച്ചറിഞ്ഞു

പക്ഷെ മീനുവിനെ ബെർനെറ്റ് തിരിച്ചറിഞ്ഞ ഭാഗത്ത്‌ എനിക്കൊരു സംശയം ഉള്ളതെന്തെന്നാൽ മെയ് വൂൺ ക്വീൻ ശോഭ 24 ബി ബന്ധിച്ചിരുന്നു.അങ്ങനെയുള്ളപ്പോൾ ഈവിൾ സ്പിരിറ്റ്‌ സ്വന്തം ശരീരത്തിൽ ആവാഹിച്ച ബെർനെറ്റ് അവിടെ എങ്ങനെ കടന്നുചെന്നു.

റോഷന്റെയും കൂട്ടരുടെയും ചെറുത്തുനിൽപ്പ് വിവരിച്ചതും നന്നായിരുന്നു.ലിസ,ബെൽ, മീനു, അർച്ചന എല്ലാവരും ഓർമ്മയിലുണ്ട്.
കൂടാതെ അർച്ചന മെന്റലി കുറച്ചു സോഫ്റ്റ്‌ ആണ് എന്ന് മഞ്ജുവിന്റെ ഭാഗത്തിലൂടെയും കാറിലെ ഭാഗത്തിലൂടെയും പറഞ്ഞുവക്കുന്നു.

ജൂൺ ഹെവൻ വേൾഡ് വരെ പോയിരിക്കുന്നു
അതിന്റെ ലക്ഷ്യം അവൾക്ക് മാത്രമറിയാം.
എന്തോ പ്രധാന കാര്യമാണ് എന്നാണ് എന്റെ ഊഹം.അതായിരുന്നു റോഷനെ യാത്ര അയക്കുമ്പോൾ അവളുടെ ഭാവവും.

ഇനിയും മുന്നോട്ട് വരേണ്ട ഒരാളാണ് ത്രിവേയ്‌ക്കോ.അവൾ കൂടുതൽ എക്സ്പ്ലോർ ആവാനുണ്ട്.കൂടാതെ ഡാർക്ക്‌ വേൾഡ് ലെ ഗേറ്റ് കീപ്പർ ഇപ്പോൾ സ്ഥാനം തെറിച്ചുകാണും എന്നെനിക്ക് തോന്നുന്നു. രേവൻ ഒരു കം ബാക്ക് നടത്തുന്നത് കാണാനും കാത്തിരിക്കുന്നു.

വിക്ടോറിയക്ക് അവളുടെ ആശ നടക്കും എന്ന് കരുതാം.പക്ഷെ അവർ ഭൂമിയിലെക്ക് പുറപ്പെടാമെന്ന് കരുതി നിക്കുമ്പോൾ ഒരാൾ അവിടെ മിസ്സ് ആണ്.” ഡിവൈൻ “അത് കൂടുതൽ അറിയേണ്ടതുമാണ്.

അവസാനം മീനുവും ലിസയും ധരിച്ചിരുന്ന രത്നങ്ങൾ പരിധിയിൽ നിന്ന് പോകുന്നതും മറ്റും മെയ് വൂണിൽ ആശങ്ക സൃഷ്ടിക്കുന്നു.
അവർക്കും മറ്റുള്ളവർക്കും ഭൂമിയിലേക്ക് വരാം എന്ന സാഹചര്യം.റോഷന്റെ വാക്ക് നിക്കുന്നു എങ്കിലും അതിനെ മറികടക്കാം എന്നതും പ്രസക്തം ആണ്, പക്ഷെ അവർ അത് ചെയ്യുമോ എന്ന് കണ്ടറിയണം.

പിന്നെ ഒരു സാധ്യതയുള്ളത് എൽവസ് രാജകുമാരിയുടെ എൻട്രി ഇവിടെ പ്രതീക്ഷിക്കുന്നു. എൽവസ് ദേവന്റെ കല്പന ആണത്. ആ കല്പന ഈയൊരു സാഹചര്യം മുൻകൂട്ടിക്കണ്ടായിരിക്കും.

വീണ്ടും കാണാം
സസ്നേഹം
ആൽബി