നിയോഗം 3The Fate Of Angels PartXI(മാലാഖയുടെ കാമുകൻ) 2610

“നീയല്ലേ മെറിനെ കൊല്ലാൻ ഓർഡർ കൊടുത്തത്..? ഒപ്പം എന്റെ ഭാര്യമാരുടെയും ജീവൻ നിനക്ക് വേണമായിരുന്നു.. അല്ലെ..? ക്വീൻ ഓഫ് ട്രിപ്പിൾ 6..”

അത് ചോദിച്ചുകൊണ്ട് അവൻ അവളെ പിടിച്ചു പൊക്കി ഭിത്തിയോട് ചേർത്ത് അമർത്തി..

കറുത്ത വേഷം അണിഞ്ഞ പുരോഹിതന്മാരെ പോലെ ഉള്ളവർ ഇതൊന്നും ശ്രദ്ധിക്കാതെ അവർ ചെയ്യുന്ന കാര്യം തുടരുന്നത് കണ്ടപ്പോൾ ലിസക്ക് ദേഷ്യം വന്നു..

അവൾ ഓടിച്ചെന്നു ഒരാളുടെ താടി നോക്കി ആഞ്ഞൊരു പഞ്ച് ചെയ്തു..

അയാൾ നിലത്തുവീഴും മുൻപേ ചാടി കറങ്ങി മറ്റേയാളുടെ തലക്ക് ഒരു കിക്ക്‌ കൂടെ കൊടുത്തു..

അതിന് ശേഷം അവൾ ആ മേശ ചവുട്ടി മറിച്ചിട്ടു..

അതിൽ ഉണ്ടായിരുന്ന കറുത്ത വേഷം കൊണ്ട് മൂടിയ ശരീരം തെറിച്ചു ഉരുണ്ടുപോയി നിലത്തു വീണു.. മെഴുകുതിരികൾ തെറിച്ചു വീണു.

അതിന് ചുറ്റും ഗ്ലാസ് ജാർ പൊട്ടി രക്തം പടർന്നു… ലിസ ബാക്കി ഉള്ളതൊക്കെ തല്ലി തകർത്തു..

“പറ.. “

റോഷൻ അവളോട് അലറി.. അവൾ വീണ്ടും ചിരിച്ചു.. അതോടെ കലി കയറിയ അവൻ ഇടത്തെ കൈ ചുരുട്ടി അവളുടെ താടിക്ക് ഒരു ഇടി കൊടുത്തു..

അവളുടെ കണ്ണ് മറിഞ്ഞു പോകുകയും ശരീരം നിശ്ചലം ആകുകയും ചെയ്തപ്പോൾ അവൻ അവളെ നിലത്തിട്ടു..

“ഇതിപ്പോ ആരാണ് ആ ക്വീൻ എന്ന് എങ്ങനെ അറിയാനാണ്..ഇവൾ തന്നെ അല്ലെ? തലയിൽ കിരീടം ഉണ്ടല്ലോ..?”

റോഷൻ തിരിഞ്ഞു ലിസയെ നോക്കി.. അവൾ വാ പൊളിച്ചു എന്തോ നോക്കി നിൽക്കുന്നത് കണ്ടപ്പോൾ അവനും നോക്കി..

“വാട്ട് ദി ഹെൽ…?”

നേരത്തെ കറുത്ത തുണിയിൽ പൊതിഞ്ഞ ആ രൂപം കൈകൾ നിലത്തു കുത്തി നിന്ന് നിലത്തു ഒഴുകി പടർന്ന ചോര നീണ്ട നാവ് നീട്ടി ഞൊട്ടി ഞൊട്ടി കുടിക്കുന്നു.. മുഖം മൂടിയ വാ ഭാഗത്തെ വെട്ട് വഴിയാണ് അതിന്റെ നാക്ക് പുറത്തേക്ക് വന്നത്..