നിയോഗം 3The Fate Of Angels PartXI(മാലാഖയുടെ കാമുകൻ) 2610

“കിൽ തേം.. നിങ്ങൾ തുടരൂ…”

അവൾ മുള്ളുകൾ ഉള്ള ഒരു ചങ്ങല കെട്ടിയ ഇരുമ്പു ഗോളം വലിച്ചെടുത്തു നിലത്തേക്ക് അടിച്ചു തയാറായി നിന്നു..

മുൻപിൽ വന്ന ഒരുവളുടെ പഞ്ച് ഇടം കൈകൊണ്ടു തട്ടി അവളുടെ കഴുത്തിൽ കയറി പിടിച്ച ലിസ ബലം അവളിൽ കൊടുത്ത ശേഷം വലത്തേ കാൽ പൊക്കി ഒരു കിക്ക്‌ അടിച്ചത് ഒരാളുടെ കഴുത്തിലേക്ക് ആയിരുന്നു…

അയാൾ പുറകോട്ട് വീഴും മുൻപേ തന്നെ ലിസ അവളുടെ കഴുത്തിൽ പിടിച്ചു അവളെ താഴ്ത്തുകയും മുട്ട് പൊക്കി തലക്ക് തന്നെ ഇടിക്കുകയും ചെയ്തിരുന്നു..

റോഷനും കാര്യങ്ങൾ എളുപ്പം ആയിരിന്നു.. അവന്റെ ശക്തിക്ക് മുൻപിൽ വന്നവർ അവന്റെ ഓരോ അടിയും കിട്ടി ബോധം മറഞ്ഞു നിലത്തേക്ക് വീണു..

വീണവരെയൊക്കെ അവൻ ചവുട്ടി തെറിപ്പിച്ചു.. ലിസക്കും അധിക സമയം വേണ്ടിവന്നില്ല.. അവൾ അവിടെ കിടന്നിരുന്ന ഒരു ഇരുമ്പുകമ്പി വച്ചാണ് എല്ലാവരെയും അടിച്ചു നിലത്തിട്ടത്..

അപ്പോഴേക്കും മേശയിൽ കിടന്ന തുണി മൂടിയ രൂപത്തിന്റെ മുഖത്തേക്ക് പുരോഹിതന്മാരിൽ ഒരാൾ എന്തോ ഭാഷ പറഞ്ഞു കൊണ്ട് രക്തം നിറഞ്ഞ ഗ്ലാസ് ജാറിൽ നിന്നും രക്തം അതിന്റെ മുഖത്തേക്ക് ഒഴിച്ചു..

അതൊരു ജീവനില്ലാത്ത ശരീരം ആണെന്ന് തോന്നി.. ആരെയോ കൊന്ന് കറുത്ത തുണിയിൽ മറച്ചു എന്തോ ക്രിയകൾ ചെയ്യുന്നു..

“എവിടെ.? കൊണ്ടുവന്ന കന്യകമാരുടെ ചൂട് രക്തം.. കൊണ്ടുവാ… “

അതിൽ ഒരാൾ ബാധ കയറിയത് പോലെ വിറഞ്ഞുകൊണ്ടു വിളിച്ചു പറഞ്ഞു..

അത് ഒരു നിമിഷം ശ്രദ്ധിച്ച റോഷൻ തലക്ക് നേരെ പാഞ്ഞു വന്ന മുള്ളുകൾ ഉള്ള ഇരുമ്പു ഗോളത്തിന്റെ ചങ്ങലയിൽ പിടിച്ചു അവളെ നോക്കി…

ചങ്ങല പിടിച്ചു ഒരു വലി വലിച്ചപ്പോൾ അവൾ അവന്റെ തൊട്ടു മുൻപിൽ എത്തി.. അവൻ അത് വലിച്ചെടുത്തു ദൂരേക്ക് എറിഞ്ഞു..

അവന്റെ കൈ അവളുടെ കഴുത്തിൽ മുറുകിയപ്പോൾ അവൾ ചിരിച്ചു…