നിയോഗം 3The Fate Of Angels PartXI(മാലാഖയുടെ കാമുകൻ) 2611

അതോടൊപ്പം മിന്നൽ പോലെ എന്തോ ഒന്ന് പാഞ്ഞു വരുന്നത് അവൾ കണ്ടു..

അവൾ ലിസയെ നിലത്തേക്ക് ഇട്ടതും റോഷൻ എറിഞ്ഞ ഡിസ്ട്രോയെർ ഭിത്തിയും തകർത്താണ് പോയത്.. അവിടെ വലിയൊരു തുരങ്കം പോലെ ഹോൾ വന്നു..

അവൻ ഓടിച്ചെന്നു ലിസയെ വലിച്ചു പൊക്കി… അവർ രണ്ടുപേരും ഒരുമിച്ചു നോക്കി.. ഇല്ല.. അവൾ ഇല്ല..

“അവൾ പോയി റോഷൻ.. ലെറ്റസ്‌ ഗെറ്റ് ഔട്ട് ഓഫ് ഹിയർ..അവൾ.. അവൾ മെറിന്റെ അടുത്ത് പോകും റോഷൻ… പോകാം.. വേഗം….!“

ലിസ പേടിച്ചിരുന്നു.. അവൻ അവളെ വാരിയെടുത്ത് പുറത്തേക്ക് ഓടി..

പുറത്ത് എത്തിയതും ഗരാജിന്റെ അപ്പുറം പോലീസ് വണ്ടികളുടെ ശബ്ദം കേൾക്കുന്നുണ്ടായിരുന്നു.. ഷട്ടർ തുറന്നു കൊടുത്തപ്പോൾ ഉടനെ തന്നെ പെൺകുട്ടികളെ അവർ പുറത്തെത്തിച്ചു..

“മാം…?”

സിഐ റാം ലിസയെ നോക്കി.. അവൾ റോഷന്റെ കൈ പിടിച്ചിരുന്നു.. മുഖത്ത് വല്ലാത്തൊരു ഭയവും..

“യു ക്യാൻ ഗോ റാം.. അവരെ സേഫ് ആക്കുക.. ഗോ നൗ..”

അവൾ പറഞ്ഞതും അവർ പിന്തിരിഞ്ഞു നടന്നു.. വണ്ടികൾ പെട്ടെന്ന് തന്നെ പെൺകുട്ടികളെയും കൊണ്ട് പോയി.. കുറച്ചു പോലീസുകാർ അവിടെ നിന്നു..

“റോഷൻ.. അവളെന്നെ വെറുതെ വിടുമെന്ന് തോന്നുന്നില്ല.. അവൾ എന്നോട് പറഞ്ഞു അത്.. പക്ഷെ കൊല്ലില്ല.. അല്ലെ..? നമുക്ക് പോകാം റോഷൻ.. എനിക്ക് പേടിയാകുന്നു…”

ലിസ പറഞ്ഞത് കേട്ടപ്പോൾ അവൻ അവളെ ചേർത്ത് പിടിച്ചു..

“ഹേയ്.. അങ്ങനെ ഒന്നും ചിന്തിക്കരുത്…”

“എന്നാലും അത് ആരാണ്.. ?”

അവൾ സംശയത്തോടെ ആലോചിച്ചു..