നിയോഗം 3The Fate Of Angels PartXI(മാലാഖയുടെ കാമുകൻ) 2611

അവൾ ഇടത്തെ കൈകൊണ്ടു ലിസയുടെ നെഞ്ചിൽ ഒരു തള്ളു കൊടുത്തപ്പോൾ അവൾ തെറിച്ചു പോയി ഭിത്തിയിൽ അടിച്ചു നിലത്തേക്ക് വീണത് റോഷൻ ഞെട്ടലോടെയാണ് കണ്ടത്..

“യു….!!!”

അവൻ ശക്തമായ ഒരു പഞ്ച് കൊടുത്തു അവളുടെ വാരിയെല്ല് നോക്കി.. കൊണ്ടാൽ തകർന്നു പോകുന്ന ഒരു പഞ്ച്..

എന്നാൽ അവനെ നോക്കുക പോലും ചെയ്യാതെ അവൾ ഇടംകൈകൊണ്ടു അവന്റെ മുഷ്ടി പിടിച്ചെടുത്തു..

വീണു കിടന്ന ലിസ അമ്പരന്നു.. റോഷൻ വിശ്വസിക്കാൻ ആവാതെ അവളെ നോക്കി.. കൈ വലിച്ചെടുക്കാൻ നോക്കി.. നടന്നില്ല.. വല്ലാത്ത ശക്തി.

“കിഡ്…”

വീശിയ കയ്യിന്റെ ശക്തമായ ഒരു അടി കിട്ടി റോഷൻ തെറിച്ചു പോയി.. ഭിത്തിയിൽ അടിച്ചു വീണത് മേശയിലേക്ക് ആണ്.. അതും തകർന്ന് അവൻ നിലത്തേക്ക് വീണു..

ആ ശക്തി അവന് വിശ്വസിക്കാൻ ആയില്ല.. ഒരു പെണ്ണിന് ഇത്ര ശക്തിയോ..

അവൻ എഴുന്നേറ്റ് നിന്നു.. വല്ലാത്തൊരു തളർച്ച തോന്നി അവന്. അവളുടെ നഖങ്ങൾ ദേഹത്ത് മുറിവ് ഉണ്ടാക്കിയിരിക്കുന്നു..

“നീ..? നീയാരാണ്..?”

അവൻ അമ്പരപ്പോടെ ചോദിച്ചപ്പോൾ അവൾ ചിരിച്ചു.. വല്ലാത്തൊരു ചിരി..

പെട്ടെന്ന് അവളുടെ രൂപം മാറി.. ഒരു മോഡേൺ പെണ്ണ്.. മുടി പർപ്പിൾ നിറം.. മുറുകിയ ലെതർ ജാക്കറ്റ്.. സ്‌നേക് സ്കിൻ കൊണ്ട് ഉണ്ടാക്കിയ മുട്ട് വരെയുള്ള ഹീൽ ഷൂസ്..

“അവർക്ക് ഞാൻ ക്വീൻ ആണ്.. അവരുടെ എല്ലാ ബിസിനസ്സും നടത്തുന്ന ക്വീൻ.. അവരുടെ ബെർനെറ്റ്.. ലേഡി ബെർനെറ്റ്…”

അവൾ പറഞ്ഞു നിർത്തിയപ്പോൾ അവൻ സംശയത്തോടെ അവളെ നോക്കി..