നിയോഗം 3The Fate Of Angels PartXI(മാലാഖയുടെ കാമുകൻ) 2611

രണ്ടുപേരും പിന്നെ അനങ്ങിയില്ല.. അകത്തുനിന്നും എന്തൊക്കെയോ ശബ്ദം.. എന്തോ പൂജ നടക്കുംപോലെ..

“ഇതിന്റെ ഉള്ളിൽ എന്തോ ഉണ്ട്..”

പുറകെ വന്ന ലിസ ചെവി ഓർത്തു പറഞ്ഞു.. അവൻ ഉടനെ ഹാൾ തുറന്നു അകത്തേക്ക് കയറി. പുറകെ ലിസയും..

അകത്തെ കാഴ്‌ച കണ്ടപ്പോൾ അവൻ ഒന്ന് ഞെട്ടി.. എന്തോ ആരാധനാ നടക്കുന്നതുപോലെ കുറേയാളുകൾ മുട്ടിൽ നിന്നിരുന്നു.. എല്ലാവരും തല മൂടിയ കറുത്ത നീളൻ വേഷം..

മുൻപിൽ കറുത്ത തുണിയിൽ പൊതിഞ്ഞ ഒരു ശരീരം മേശയിൽ കിടത്തിയിരിക്കുന്നു. ഒരു ഈജിത്യൻ മമ്മി പോലെ..

ആ കിടത്തിയ ശരീരത്തിന് ചുറ്റിനും കറുത്ത മെഴുകുതിരികൾ.. അതിൽ നിന്നും വല്ലാതെ പുക വമിക്കുന്നു..

അതിന്റെ തല ഭാഗത്ത് ചോര നിറച്ച ഒരു വലിയ ഗ്ലാസ് ജാർ…

കയ്യിൽ ഏതോ പുസ്തകങ്ങൾ പിടിച്ച പുരോഹിതന്മാരെ പോലെയുള്ള ആളുകൾ.. അവരുടെ കയ്യിൽ ദണ്ഡ്..

അവർ അകത്തേക്ക് ചെന്നതോടെ അവിടെ ഉണ്ടായിരുന്ന എല്ലാവരും ഞെട്ടി അവരെ നോക്കി..

“ഇതിന് മുടക്കം വരരുത്… അവരെ ഇല്ലാതാക്കു…അവസാന ഘട്ടമാണ്..”

മുൻപിൽ നിന്നവൾ അലറിയതോടെ പുറകിൽ നിന്ന ആളുകൾ തിരിയുകയും അവരെ ദേഷ്യത്തോടെ നോക്കുകയും ചെയ്തു..

കുതിച്ചു വന്ന മല്ലനെപ്പോലെ ഉള്ളയൊരാളെ ഒരൊറ്റ പഞ്ചിനാണ്‌ റോഷൻ നിലത്തേക്ക് ഇട്ടത്..

“എവിടെ നിന്റെയൊക്കെ ക്വീൻ..? ഓ നീയാണോ…?”

അവൻ പുഞ്ചിരിയോടെ നോക്കി നിന്ന മുഖം മാത്രം പുറത്തു കണ്ട ഒരുവളെ നോക്കി.. അവളുടെ തലയിൽ കിരീടം പോലെ എന്തോ ഉണ്ടായിരുന്നു..

അവൾ ചിരിച്ചു..