നിയോഗം 3The Fate Of Angels PartXI(മാലാഖയുടെ കാമുകൻ) 2611

വണ്ടി ഓഫ് ആയി..

“അവളുമാരെ കൊണ്ടുവാ..”

ആരോ വിളിച്ചു പറഞ്ഞു..

ഉടനെ ഒരാൾ പുറകിൽ വന്നു ഒരു ലാഡർ വച്ച് കയറി പടുത നീക്കി അകത്തേക്ക് നോക്കി..

“ആആ…..”

എന്നൊരു നിലവിളിയോടെ അയാൾ തെറിച്ചു പോയി ഭിത്തിയിൽ അടിച്ചു വീണതാണ് ബാക്കി ഉണ്ടായിരുന്നവർ കണ്ടത്…

അവനെ ചവുട്ടി തെറിപ്പിച്ച റോഷൻ ചാടി വന്നു കാലു വീശി ഒരു അടി അടിച്ചു..
ബാക്കി രണ്ടുപേരും വീണു.. അതിനിടയിൽ ലോറിയിൽ നിന്നും ഇറങ്ങിയ ആളെ ചാടി ചെന്ന് ഒരു സൈഡ് കിക്ക്‌ അടിച്ചു ലിസ.. വേറെ ആരും ഇല്ല..

അവരുടെ കയ്യിൽ നിന്നും വീണ തോക്കുകൾ ലിസ എടുത്തു.. ബോധം മറയാൻ പാകത്തിന് വീണുകിടന്ന ആളുകളുടെ തലക്ക് അവൾ തോക്കിന്റെ പുറകുകൊണ്ട് ഓരോ അടി അടിച്ചു.

അതിന് ശേഷം അവൾ തോക്കുകൾ ലോഡ് ചെയ്തു എന്ന് ഉറപ്പു വരുത്തി വണ്ടിയുടെ അകത്തു ഉണ്ടായിരുന്ന പെൺകുട്ടികളിൽ ചിലർക്ക് കൊടുത്തു..

“ആവശ്യം വന്നാൽ ഉപയോഗിക്കുക… ആളെ നോക്കണം..പോലീസ് ഉടനെ വരും. അവരെ ഷൂട്ട് ചെയ്യരുത്..”

അവൾ അത് പറഞ്ഞു തിരിച്ചിറങ്ങിയപ്പോഴേക്കും റോഷൻ മുൻപിൽ കണ്ട വാതിൽ തുറന്നു അകത്തേക്ക് പോയിരുന്നു.. അവൾ പുറകെ ഓടി..

എതിരെ വന്ന ഒരാളെ ഡയറക്റ്റ് പഞ്ചിലൂടെ താഴേക്ക് ഇട്ട ശേഷം അവൻ മുൻപോട്ട് ഓടി…

ഒരു ഹാളിനു മുൻപിൽ രണ്ടുപേർ കാവൽ നിന്നിരുന്നു..

ഓടിച്ചെന്ന വേഗതയിൽ തന്നെ അവൻ പൊങ്ങി ചാടി കാൽ മുട്ട് വച്ച് ഒരാളുടെ നെഞ്ചിലേക്ക് കുത്തി.. ഒരു അലർച്ച അവിടെ മുഴങ്ങി..

അയാൾ വീണതിനൊപ്പം താഴെ നിന്ന അവൻ ദേഹത്തേക്ക് വന്ന അടി തടുത്തുകൊണ്ടു അയാളുടെ മുഖം നോക്കി ഒരു ഇടി ഇടിച്ചു.. അയാളുടെ മുഖം ഒരു വശം പൊട്ടി തകർന്നു പോയി.. മെല്ലെ താഴേക്ക് വീണു അയാൾ.