നിയോഗം 3The Fate Of Angels PartXI(മാലാഖയുടെ കാമുകൻ) 2611

അവൾ വിക്കി വിക്കി പറഞ്ഞു… അവൻ സംശയത്തോടെ ലിസയെ നോക്കി.. ഇതുവരെ കേൾക്കാത്ത ഒരാൾ.

“ഹു ഈസ് ഷി..? “

ട്രിപ്പിൾ 6 ക്വീൻ.. എല്ലാ രാജ്യത്തെയും ഡാർക്ക് ബിസിനസ് നിയന്ദ്രിക്കുന്നവൾ.. അവൾ പറഞ്ഞത് കേട്ടില്ല എങ്കിൽ അവൾ എന്നെ കൊല്ലും.. ഐ ഹാഡ് നോ ഓപ്ഷൻ..”

അവൾ നിലത്തേക്ക് ഇരുന്നുകൊണ്ട് പറഞ്ഞു.. കണ്ണുകൾ നിറഞ്ഞു ഒഴുകി..

“എന്റെ പെണ്ണുങ്ങളെ തൊട്ട നിന്നെ.. ജീവനോടെ വെക്കില്ല ഞാൻ…”

റോഷൻ തിരിഞ്ഞു നടന്നു മേശയിൽ നിന്നും ഒരു കത്തി എടുത്തു അവളുടെ മുടിക്ക് പിടിച്ച ശേഷം കഴുത്തിൽ മുട്ടിച്ചു..

അവന്റെ കൈ ഒരാൾ പിടിച്ചു… അർച്ചന..

“ഏട്ടാ… പ്ലീസ്.. കൊല്ലരുത്.. പ്ലീസ് ഏട്ടാ.. ഞാൻ സഹിച്ചോളാം.. മീനു..? ഒന്ന് പറയാടീ.. കൊല്ലണ്ട എന്ന് പറ…”

അവൾ അവനോടു കൈകൂപ്പി.. അവൻ അതിശയത്തോടെയാണ് അവളെ നോക്കിയത്.. കൈവെള്ളയിൽ നിന്നും ചോര..

മുഖത്ത് അടി കിട്ടിയ പാടുകൾ… എന്നിട്ടും അവൾ ഉപദ്രവിച്ചവളുടെ ജീവന് വേണ്ടി കേഴുന്നു.. വല്ലാത്തൊരു പെണ്ണ്..

അവൻ മീനുവിനെ നോക്കി.. അവൾ കണ്ണടച്ച് കാണിച്ചു… അതോടെ അവൻ കത്തി നിലത്തിട്ട് അർച്ചനയെ വലിച്ചു നെഞ്ചിലേക്ക് ഇട്ടു മുറുക്കെ കെട്ടിപിടിച്ചു നിറുകയിൽ ചുംബിച്ചു..

“എന്തൊരു പെണ്ണാടീ നീ…?”

അവനു ചോദിക്കാതിരിക്കാൻ കഴിഞ്ഞില്ല. അവൾ ഉത്തരം ഒന്നും പറയാതെ അവന്റെ നെഞ്ചിലേക്ക് മുഖം പൂഴ്ത്തി വച്ചു..

“ഞാൻ പേടിച്ചുപോയി ഏട്ടാ..”

അവൾ ആവലാതി പറഞ്ഞപ്പോൾ അവൻ മീനുവിനെ നോക്കി.. അവളുടെ മുഖഭാവം നിരാശയിൽ ആണ്.. അർച്ചന അവളെ ആശ്രയിച്ചിട്ടും അവളെ രക്ഷിക്കാൻ ഇവർ വരേണ്ടി വന്നില്ലേ എന്ന് അവൾ ചിന്തിച്ചു..