നിയോഗം 3The Fate Of Angels PartXI(മാലാഖയുടെ കാമുകൻ) 2611

പുറം അടിച്ചു താഴേക്ക് വീണ ലിസ കാലു പൊക്കി ഒറ്റ ചാട്ടത്തിന് നിവർന്നു നിന്നു..

നിന്ന സ്പോട്ടിൽ തന്നെ അവൾ മീനുവിന്റെ തോളിൽ പിടിച്ചു വലത്തേ കാലു പൊക്കി ആഞ്ഞു ഒരു കിക്ക്‌ അടിച്ചു.. റോഷന്റെ മുഖത്തിനടുത്തു കൂടെയാണ് അവളുടെ ബൂട്ട് പോയത്..

അർച്ചനയുടെ ഇടതു വശത്തു നിന്നവന്റെ കഴുത്തിൽ ആണ് അവളുടെ ബൂട്ടിന്റെ മുൻഭാഗം കയറിയത്.. അർച്ചന കണ്ണ് മിഴിച്ചു നിന്നു.. അവളുടെ കഴുത്തിന്റെ ഗ്യാപ്പിൽ ആയിരുന്നു അവളുടെ കാലിന്റെ മുകൾ ഭാഗം.

അവനും താഴേക്ക് വീണു.. ഇതൊക്കെ കഴിഞ്ഞത് ഏതാനും നിമിഷങ്ങൾക്ക് ഉള്ളിൽ ആണ്..

മുൻപോട്ട് ഒരുമിച്ചു വന്ന രണ്ടു പെണ്ണുങ്ങളെ റോഷൻ.. തള്ളി ലിസക്ക് നേരെ ഇട്ടു കൊടുത്തു.. ഒരു അപ്പർ കട്ട് പഞ്ച് കൊണ്ടത് ഒരുവളുടെ താടിക്ക് ആണ്.. രണ്ടാമത് വന്നവളുടെ കഴുത്തിലും ഒരു പഞ്ച്..

ഒരു നിലവിളിയോടെ രണ്ടുപേരും ബോധം മറഞ്ഞു നിലത്തു വീണു..

അവിടെ നിന്ന രണ്ടു ആണുങ്ങളും മുൻപിൽ നിന്നവളും അതൊക്കെ കണ്ടു പേടിച്ചു വിറച്ചുനിന്നു..

അവൻ വലത്തേ കൈകൊണ്ടു ആ പെണ്ണിന്റെ കഴുത്തിൽ പിടിച്ചു പൊക്കി.. അവൾ കിടന്നു പരൽ മീൻ പോലെ പിടച്ചു..

“നിന്നെ വലിച്ചു കീറാൻ എനിക്ക് കഴിയും.. ബട്ട്.. എനിക്ക് നിന്നെയല്ല വേണ്ടത്.. പറ.. ആരാണ് ഈ ഹിറ്റ് ഓർഡർ ചെയ്തത്..? അയാളുടെ പേര് ആണ് എനിക്ക് വേണ്ടത്…”

അവൻ അവളോട് മുരണ്ടു.. പിടി അയച്ചു അവളെ നിലത്തു നിർത്തി. അപ്പോഴേക്കും പുറകിൽ നിന്നവരെയും ലിസ അടിച്ചു നിലത്തിട്ടിരുന്നു.. പ്രാന്ത് പിടിച്ച അവസ്ഥ ആയിരുന്നു ലിസക്ക്..

“അയാൾ.. അല്ല… അവൾ.. ബെർനെറ്റ്.. ക്വീൻ ബെർനെറ്റ്…”