നിയോഗം 3The Fate Of Angels PartXI(മാലാഖയുടെ കാമുകൻ) 2611

അവൾ പറഞ്ഞ മറുപടി കേട്ടപ്പോൾ അർച്ചന ഞെട്ടി.. അവൾക്ക് അവളുടെ ഉള്ളിലുള്ള ശക്തിയെപ്പറ്റി ബോധ്യം ഇല്ലായെന്ന് അവൾക്ക് മനസിലായി..

രണ്ടുപേർ വീതം അവരെ പിടിച്ചു വലിച്ചു ഹാളിന്റെ മൂലക്ക് കൊണ്ടുപോയി.. അർച്ചന പ്രതിരോധിക്കാൻ നോക്കിയെങ്കിലും കഴിഞ്ഞില്ല..

കടുത്ത വേഷം അണിഞ്ഞ അതിൽ ഒരു പെണ്ണ് ഒരു കത്തി എടുത്തു അർച്ചനയുടെ ഇടത്തെ കൈവെള്ളയിൽ ഒരു വര വരച്ചു..
അവൾ അലറിക്കരഞ്ഞു… അത് കണ്ടു മീനു കുതറാൻ നോക്കി.. പറ്റുന്നില്ല..

അപ്പോഴാണ് അർച്ചനയുടെ ഫോൺ അടിച്ചത്..

“ആഹാ നിന്റെ ചേച്ചി ആണല്ലോ..?”

അതിൽ ഒരുവൾ ഫോൺ അറ്റൻഡ് ചെയ്തു അർച്ചനയ്ക്ക് നേരെ നീട്ടി..

ലിസയുടെ ശബ്ദം കേട്ടതും അവൾ അലറിവിളിച്ചു..

“അവളെ വേണോ ലിസ നിനക്ക്..? തരാം.. ജീവനില്ലാത്ത തണുത്ത ദേഹം നിനക്ക് കിട്ടും.. പല കഷണങ്ങൾ ആയി.. പല ഭാഗത്തുനിന്നും….”

അവൾ അത് പറഞ്ഞപ്പോൾ ആണ് ഒരാൾ ചാട്ട വച്ച് മീനാക്ഷിയെ ആഞ്ഞു അടിച്ചത്.. അവൾ വേദനിച്ചു കരഞ്ഞു..

അവൾ ഫോൺ എടുത്തു വലിച്ചെറിഞ്ഞു.. അതിന് ശേഷം വലിയൊരു വാൾ എടുത്തുകൊണ്ടുവന്നു..

“നിന്നെയൊക്കെ കൊല്ലാൻ ആണ് ഉത്തരവ്.. കരുണ പ്രതീക്ഷിക്കരുത്..”

അവൾ തിടുക്കത്തിൽ വാൾ നീട്ടി..

പെട്ടെന്നാണ് അർച്ചനയുടെ കഴുത്തിൽ കിടന്ന രത്‌നം നീല നിറത്തിൽ കത്താൻ തുടങ്ങിയത്.. അത് കണ്ടു അവർ ഒന്ന് ശ്രദ്ധിച്ചു.. മീനുവിന്റെ കയ്യിലെ വള മെല്ലെ ജ്വലിക്കാൻ തുടങ്ങി.. അവളുടെ കഴുത്തിലെ രത്‌നവും ജ്വലിച്ചു..

“വാട്ട് ദി ഹെക്ക് ഈസ് ദാറ്റ്..?”

അതിൽ ഒരാൾ ചോദ്യഭാവത്തിൽ അവളെ നോക്കി..