നിയോഗം 3The Fate Of Angels PartXI(മാലാഖയുടെ കാമുകൻ) 2611

അവൻ മുകളിലേക്ക് ഓടി ചെന്നു.. അവിടെയും നിറയെ പോലീസ് കാവൽ ഉണ്ടായിരുന്നു..

നേരെ മുൻപിൽ നിന്നിരുന്നത് ലിനു ആയിരുന്നു.. റോഷനെ കണ്ടതും അവൻ വഴിമാറി കൊടുത്തു…അവൻ ഓടി മുകളിലേക്ക് ചെന്നു..

നിലത്തൊക്കെ ചോര കിടന്നത് വൃത്തിയാക്കുന്ന ജീവനക്കാർ.. ഗ്ലാസ്സുകൾ പൊട്ടി കിടക്കുന്നു.. അവൻ മുൻപോട്ട് ചെന്നു.. ആശങ്കയോടെ..

“റോഷൻ….?”

അവനെ കണ്ടതും ലിസ ഓടി വന്നു അവന്റെ നെഞ്ചിലേക്ക് വീണു. അവൻ അത് പ്രതീക്ഷിച്ചില്ല..

അവൻ അവളെ പിടിച്ചു മുൻപോട്ട് നോക്കി.. അനാബെൽ ഉണ്ട് ഐസിയുവിന് മുൻപിൽ.. അവളുടെ കയ്യിൽ പിസ്റ്റൾ.

“ലിസ..? യു ഓക്കേ..?”

അവൻ ലിസയോട് ചോദിച്ചു..

“നോ റോഷൻ.. ഐ ഹാഡ് ഇനഫ്.. ലെറ്റസ് ഗോ കിൽ തേം ഓൾ…ഐ നോ.. അവർ എവിടെയാണെന്ന് എനിക്ക് അറിയാം..”

അവൾ അവന്റെ നെഞ്ചിലേക്ക് മുഖം വച്ച് പറഞ്ഞു. അവൾ അത്ര നേരം പിടിച്ചു വച്ച സങ്കടം റോഷനെ കണ്ടതോടെ പുറത്തു വന്നു.. അവന്റെ നെഞ്ച് നനഞ്ഞപ്പോൾ അവൻ ആ കൂട്ടുകാരിയുടെ മുഖം പിടിച്ചു ഉയർത്തി..

നനഞ്ഞ കണ്ണുകൾ..

“ലിസ, ഐ പ്രോമിസ് യു.. നമ്മൾ ഉടനെ പോകും.. വിടില്ല ഒന്നിനെയും..”

അവൻ അവളെ സമാധാനിപ്പിച്ചു.. അതോടെ അവൾ നേരെ നിന്നു.. അവൻ അവളുടെ കവിളിൽ ഒന്ന് തട്ടി..

അതിന് ശേഷം ഡോക്ടറുടെ അനുവാദം വാങ്ങി അകത്തേക്ക് കയറി..

ദേഹത്ത് കുറെയിടത്തു കെട്ടുകളും ആയി കിടക്കുന്ന മെറിനെ കണ്ടപ്പോൾ അവന്റെ ചങ്ക് തകർന്നു..

അവൾ മയക്കത്തിൽ ആയിരുന്നു.. കണ്ണിന്റെ തടവും ചുണ്ടുകളും ചോര പോയി കറുത്തിരുന്നു…