നിയോഗം 3The Fate Of Angels PartXI(മാലാഖയുടെ കാമുകൻ) 2611

അതിന് മുൻപേ രണ്ടു റൌണ്ട് തിരിച്ചു ഷൂട്ട് ചെയ്ത ലിസ ഇടനാഴി തിരിയുന്ന വശത്തേക്ക് ഓടി മാറി..

അനാബെൽ ഉരുണ്ടു മാറിയിരുന്നു… അവളും ലിസ നിന്ന ഇടത്തേക്ക് ഉരുണ്ടു വന്നു..

അവർ നിരന്തരം ഷൂട്ട് ചെയ്തു.. കണ്ണാടികൾ പൊട്ടി വീണു.. ആളുകളുടെ പേടിയോടെ ഉള്ള ശബ്ദങ്ങൾ കേട്ട് തുടങ്ങി..

“കവർ മി..”

ലിസ അനാബെല്ലിനോട് വിളിച്ചു പറഞ്ഞപ്പോൾ അവൾ കൈ മാത്രം പുറത്തേക്ക് നീട്ടി കുറെ പ്രാവശ്യം ഷൂട്ട് ചെയ്തു.. ആരുടെയോ അലർച്ച കേട്ടു..

അത് കാത്തിരുന്ന ലിസ നിലത്തേക്ക് തലകുത്തി ഉരുണ്ടു കസേരയിൽ ചവുട്ടി കിടന്നു പിസ്റ്റൾ എയിം ചെയ്തു തുടർച്ചയായി ഷൂട്ട് ചെയ്തു..

മൂന്ന് പേര് വീണു.. നാലാമത്തെ ആളെ പുറത്തേക്ക് വന്ന അനാബെൽ ഷൂട്ട് ചെയ്തു നിലത്തിട്ടു..

അഞ്ചാമൻ വയറിൽ വെടി കിട്ടിയതും ഗൺ ഇട്ടു വയർ പൊത്തി പിടിച്ചു ഓടി മറഞ്ഞു..

ലിസ പുറകെ ഓടി.. അനാബെൽ ഐസിയു തുറന്നു നോക്കി.. മെറിൻ ഓക്കേ ആണ്.. അവൾ മയക്കത്തിൽ ആണ്.. അവൾ വാതിൽക്കൽ നിന്നുകൊണ്ട് പിസ്റ്റലിന്റെ മാഗസിൻ ചേഞ്ച് ചെയ്തു ലോഡ് ആക്കി..

സ്റ്റെപ്പുകൾ ഇറങ്ങി ഓടുന്നവന്റെ മുകളിലേക്ക് ആണ് ലിസ മുകളിൽ നിന്നും എടുത്തു ചാടിയത്..

നിലത്തേക്ക് വീണവൻ എഴുന്നേറ്റതും അവളുടെ കാലിന്റെ വീശിയടി അവന്റെ കഴുത്തിൽ കൊണ്ടിരുന്നു.. ഒരു അനക്കവും ഇല്ലാതെ അവൻ താഴേക്ക് വീണു.. വീണവന്റെ നെറ്റിക്ക് തന്നെ അവൾ വേറൊരു പിസ്റ്റൾ എടുത്തു ഷൂട്ട് ചെയ്തു..

അവൾ ഓടി പുറത്തേക്ക് പോയി.. ഒരു വണ്ടി പാഞ്ഞു പോകുന്നത് കണ്ടു.. എന്നാൽ ഗേറ്റ് കടക്കും മുൻപേ അതിനെ ക്രോസ്സ് ചെയ്തു ഒരു ജീപ്പ് വന്നു.. അതോടെ ആ വണ്ടി ബ്ലോക്ക് ആയി..