നിയോഗം 3The Fate Of Angels PartXI(മാലാഖയുടെ കാമുകൻ) 2611

അവൻ കണ്ണുകൾ അടച്ചു കൈ ചുരുട്ടി പല്ലുകൾ ഞെരിച്ചു പറഞ്ഞു..

“റോഷൻ.. അവർ രണ്ടും കല്പിച്ചു ആണ്..മനുഷ്യർ ആണെങ്കിലും അവരെ സൂക്ഷിക്കണം.”

വണ്ടർവേൾഡ് ക്വീൻ ഉടനെ പറഞ്ഞു…

“നോ.. ഇതിൽ ആരും ഇടപെടരുത്.. എന്റെ ഉത്തരവ് ആണ് ഇത്…”

അവൻ അത് പറഞ്ഞു തീർപ്പ് കൽപ്പിച്ചു.. ആരും ഒന്നും മിണ്ടിയില്ല.. അവർ ആശയവിനിമയം അവസാനിപ്പിച്ചു..

കോടി കണക്കിന് പ്രകാശവർഷം അകലെയുള്ള മെയ്‌വൂണിൽ അത് കേട്ട് ക്വീൻ മെല്ലെ പുഞ്ചിരിച്ചു..

“ട്രിനിറ്റി, ഡെൽറ്റ, വിക്ടോറിയ… വേണ്ട.. പോകണ്ട…”

അവൾ മെല്ലെ പറഞ്ഞു..

അത് കേട്ടതും അവർ രണ്ടുപേരും സ്പിയർ താഴെ വച്ചു.. തലയിൽ നിന്നും ഹെൽമെറ്റ് ഊരി മാറ്റി..

“പക്ഷെ അമ്മേ..? അവർ കുറേയാളുകൾ ഇല്ലേ..നമ്മുടെ സഹായം വേണ്ടിവരും..”

ട്രിനിറ്റി പറഞ്ഞു..

“അവന്റെ തീരുമാനം ആണ്.. അതിൽ ഇനി നമുക്ക് ഇടപെടാൻ ആകില്ല.. റെപ്റ്റില്ല്യൻ കിങ്ങിനെ നേരിട്ട അവന് മനുഷ്യരെ നേരിടാൻ എളുപ്പം ആകും..”

ക്വീൻ പറഞ്ഞത് ശരിയാണ് എന്ന് അവർക്ക് തോന്നി..

“എന്നാലും അമ്മേ….ഞാൻ കൂടെ…”

ട്രിനിറ്റിയെ മുഴുമിപ്പിക്കാൻ ക്വീൻ സമ്മതിച്ചില്ല.. അവൾ ചാടി എഴുന്നേറ്റ് അവളുടെ ദണ്ഡ് നിലത്തേക്ക് ആഞ്ഞു കുത്തി… അതിന്റെ പ്രകമ്പനം മെയ്‌വൂൺ മുഴുവൻ വ്യാപിച്ചു..

ഉടനെ അവളുടെ മുൻപിൽ നിന്ന ട്രിനിറ്റിയും ഡെൽറ്റയും വിക്ടോറിയയും വിറച്ചു പോയി.. അവർ വേഗം മുട്ട് കുത്തി..

“യുവർ ഹൈനെസ്സ്…”

ക്വീൻ ദേഷ്യം പിടിച്ചിരുന്നു.. അവൾ ഉടനെ അകത്തേക്ക് കയറിപ്പോയി.. റോഷൻ അങ്ങനെ പറഞ്ഞത് ആണ് അവളെ ദേഷ്യം പിടിപ്പിച്ചത് എന്ന് അവർക്ക് തോന്നി..