നിയോഗം 3The Fate Of Angels PartXI(മാലാഖയുടെ കാമുകൻ) 2611

കരച്ചിൽ ഒതുക്കി അർച്ചന വേഗം അത് റോഷനോട് പറഞ്ഞു.. അൽപ നേരത്തേക്ക് അവിടെ നിന്നും ഒരു അനക്കവും കേട്ടില്ല..

“ഏട്ടാ..? “

അവൾ വീണ്ടും വിളിച്ചു..

“നിങ്ങൾ… നിങ്ങൾ… പൊയ്ക്കോ.. പുറകെ വരാം.. ഞാൻ…”

അടഞ്ഞ ശബ്ദം.. അതോടെ കാൾ കട്ട് ആയി.. അർച്ചന ഒരു നിമിഷം ഇരുന്നു.. മീനുവിനെ നോക്കി.. അതിന് ശേഷം വണ്ടി മുൻപോട്ട് എടുത്തു…

റോഷൻ ഒരു നിമിഷം കണ്ണടച്ച് നിന്നു..

മെറിനെ ആദ്യമായി കണ്ടത് അവന് ഓർമവന്നു.. കാറിൽ നിന്നും ഇറങ്ങി തന്റെ നേരെ വന്ന സുന്ദരിയായ പൊലീസുകാരി..

പിറ്റേ ദിവസം അവളെ വിളിച്ചപ്പോൾ ജീവനോടെ ഉണ്ട് എന്നറിഞ്ഞപ്പോൾ കാണിച്ച സന്തോഷം.. ഇൻസ്‌പെക്ടർ രാജൻ മരണപ്പെട്ടപ്പോൾ വീട്ടിൽ വന്നു എല്ലാം നഷ്ടപെട്ടവളെപോലെ ഇരുന്ന മെറിൻ..

രക്ഷകയായി വന്ന് മൂന്ന് കൃതിരിനെ ഹെഡ്ഷോട്ട് അടിച്ചു കൊന്നവൾ.. അന്നാണ് അവളിലെ പെണ്ണിനെ അറിഞ്ഞത്.. അറിഞ്ഞപ്പോൾ അവളെപോലെ വേറൊരു പെണ്ണില്ല എന്ന സത്യം മനസിലായി..

കിഡ്നാപ് ചെയ്യപ്പെട്ടപ്പോൾ കൈ മുറിച്ചത് കാണിച്ചു തന്നു പരാതി പറഞ്ഞവൾ… ഒരു കൊച്ചു കുഞ്ഞിനെ പോലെ.. എന്നും ഒപ്പം ഉള്ളവൾ..

ചേച്ചി, കാമുകി, കൂട്ടുകാരി, ഭാര്യ.. എന്തൊക്കെയാണ് അവളെ വിളിക്കുക…?

അവൻ കണ്ണുകൾ ഇറുക്കെ അടച്ചു.. അവന്റ കയ്യിലെ വള ഒന്ന് ചുട്ടു പഴുത്തു..

“റോഷൻ.. ഞങ്ങൾ തയാറാണ്.. അപകടം മുൻപിൽ ഉണ്ട്…”

അവന്റെ ചെവിയിൽ മുഴങ്ങിയ ശബ്ദം അവന്റെ അമ്മയുടേത് ആയിരുന്നു..

“ഇല്ല.. എന്റെയാണ് മെറിൻ.. ഇതിൽ വേറെയാരും വേണ്ട.. ഞാൻ തന്നെ ഇത് നേരിടും.. ഇതിൽ ഒരാളും വേണ്ട.. എല്ലാവരോടും കൂടെയാണ് പറയുന്നത്.”