നന്ദന 4 [ Rivana ] 113

അതിനെ മറികടന്ന് നമ്മൾ മുന്നോട്ട് തന്നേ പോകേണ്ടാതായി വരും അല്ലാതെ നമ്മക്ക് വഴിയില്ല. അത് തന്നെയാണ് നമ്മളോട് പ്രകൃതിയും ദൈവവും ഒക്കെ പറയുന്നതും. നമ്മളിൽ നിന്നും പോയവർക്ക് പകരമായി നമ്മുടെ ജീവിതത്തിലേക്കു മറ്റു പലരും കടന്ന് വരാം വരാതിരിക്കം, എന്തിരുന്നാലും നമ്മുടെ മനസിനെയോ ഹൃദയത്തെയോ അതിനെ അതികം നാൾ കൊണ്ട് നടക്കാതെ മുന്നോട്ട് പോകാൻ ശ്രെമിക്കണം, അതാണ് ജീവിതം എല്ലായ്പ്പോഴും ഒരു പോലെ ആകണം എന്നില്ല കയ്പ്പും മധുരവും എരിവും പുളിയും എല്ലാം നമ്മുടെ ജീവിതത്തിൽ വന്ന് പോയി കൊണ്ടിരിക്കും “ അച്ഛൻ അത്രയും പറഞ്ഞു നിർത്തി എന്തോ ആലോചിച്ചു നിന്നു.

“ എന്നെ വിട്ട് നിന്റെ അമ്മ പോയപ്പോ ഞാൻ തകർന്ന് പോയിരുന്നു. പക്ഷെ നീയുള്ള ഒറ്റ കാരണമാണ് എനിക്ക് പിന്നീട് ജീവിക്കാനുള്ള ഊർജം തന്നത്. നിന്നിലൂടെ ഞാൻ അവളെ കാണാൻ തുടങ്ങി.അവൾ എന്നെ വിട്ട് പോയെങ്കിലും പലപ്പോഴും അവൾ എന്റെ അരികിൽ ഉള്ളതായി എനിക്ക് തോന്നാറുണ്ട്.

എന്റെ നന്ദ എന്നെ വിട്ട് പോയപ്പോ മരവിച്ച മനസുമായാണ് ഞാൻ നിന്നേം കൊണ്ട് ഇവിടെക്ക് കയറി വന്നത്. അവൾ പോയതിന് ശേഷമുള്ള ഓരോ ദിവസവും ഞാൻ യാഥാർത്യങ്ങൾ മനസിലാക്കി തുടങ്ങുകയായിരുന്നു. നീ കൂടെ ഉള്ളത് കൊണ്ട് അവൾ ഇല്ലത്ത വിഷമം എനിക് തോന്നിയിട്ടില്ല. കാരണം ജീവിതം ഇങ്ങനെയാണ് എന്ന് എന്നെ പഠിപ്പിച്ചു “

അച്ഛന്റെ വാക്കുകൾ എനിക്ക് എന്റെ ജീവിതത്തിൽ ഇനി വീണ് പോകുമ്പോൾ എഴുന്നേറ്റ് നിക്കാനുള്ള ഒരു മോട്ടിവേഷൻ പോലെയാണ് തോന്നിയത്.

രണ്ടു ദിവസത്തോളം ചെറിയൊരു വിഷമം മനസ്സിൽ ഉണ്ടേലും അത് പതിയെ ഇല്ലാണ്ടായി.

ജീവിതത്തിലെ ഓരോ ഏടുകളും പെട്ടെന്ന് ഇല്ലാതായി കൊണ്ടിരുന്നു. ദിവസങ്ങൾ ശര വേഗത്തിൽ കടന്ന് പോയി. അവസാനം ആനുവൽ പബ്ലിക് എക്സാമും കഴിഞ്ഞു.

എക്സാമെല്ലാം നല്ല രീതിയിൽ പഠിച്ചു എഴുതി. അങ്ങനെ എക്സാം എല്ലാം കഴിഞ്ഞു അതികം ദിവസങ്ങൾ കഴിയാതെ തന്നെ റംഷിയും കുടുംബവും അവർ ഞങ്ങളുടെ നാട്ടിൽ നിന്നും പോകാനുള്ള തയ്യാറെടുപ്പിലായി.