നന്ദന 4 [ Rivana ] 113

ആ പത്ത് ദിവസത്തെ വെക്കേഷൻ കഴിഞ്ഞത് പോലും അറിഞ്ഞില്ല, പെട്ടെന്ന് എല്ലാം തീർന്നത് പോലെ. വീണ്ടും സ്കൂളിലേക്കു പോകാൻ തുടങ്ങി. പതിവ് പോലെ ക്ലാസുകളും പഠിപ്പുമായി മുന്നോട്ട് പോകാൻ തുടങ്ങി.

സ്കൂൾ തുടങ്ങിയതോടെ റോയിയെ ഇന്റർവെൽ ടൈമിലോ ലഞ്ചിന്റെ ടൈമിലോ മാത്രം കാണാൻ തുടങ്ങി. കാണുമ്പോഴെല്ലാം അവൻ എന്റെ അടുത്ത് വന്ന് സംസാരിക്കൊക്കെ ചെയ്യും. ഞാൻ അങ്ങോട്ട് ചെന്ന് സംസാരിക്കില്ലേലും ഒരു പുഞ്ചിരി നൽകും.

സ്കൂളിലെ ഓരോ ദിവസങ്ങളും വലിയ സംഭവ ബഹുലങ്ങൾ ഒന്നും ഇല്ലാതെ പോയി കൊണ്ടിരുന്നു. ആ ഇടക്കാണ് എന്നെ ഏറെ വിഷമിപ്പിക്കുന്നതായ ഒരു കാര്യം റംഷി വന്ന് പറയുന്നത്.

ഇന്റർവെൽ സമയത്താണ് അവളാ കാര്യം എന്നോട് പറയുന്നത്.

“ നന്ദ എനിക്ക് നിന്നോട് ഒരു കാര്യം പറയാനുണ്ടായിരുന്നു “

“ മ്മ്, എന്താ “

“ ഞാൻ ഈ കൊല്ലം കൂടിയേ ഇവിടെ ഉണ്ടാവൂ, അത് കഴിഞ്ഞു ഇവിടുന്ന് പോകും “

“ എന്ത് പറ്റി റംഷി ഇവിടെന്ന് പോകാൻ കാരണം “

“ ഉപ്പാക്ക് ട്രാൻസ്ഫർ കിട്ടി ചെന്നെയിലേക്ക്, ഉപ്പ അടുത്ത മാസം ചെന്നെയിലേക്ക് പോകും. പക്ഷെ ഞങ്ങൾ കൊല്ല പരീക്ഷ കഴിഞ്ഞേ പോവുന്നുള്ളു “

“ റംഷി നീ കാര്യമായിട്ട് തന്നെയാണോ ഇത് പറയുന്നത് “

“ ആടി ഞാൻ പറഞ്ഞത് സത്യമാ ഇന്നലെ ഉമ്മയാ എന്നോട് ഇതെല്ലം പറഞ്ഞേ. ഉപ്പ ആദ്യം അങ്ങോട്ട് പോകും എന്നിട്ട് താമസവും കാര്യങ്ങളും ഒക്കെ ഞങ്ങൾ വരുന്നതിന് മുൻപ് റെഡിയാക്കും എന്നൊക്കെയാണ് ഉമ്മ പറഞ്ഞത് “

“ ഡി റംഷി നീ കൂടെ പോയാൽ എനിക്ക് പിന്നേ ആരാടി ഉള്ളത്, എന്റെ ബെസ്റ്റ്‌ ഫ്രണ്ട് നീയല്ലേ “

“ എനിക്കും നിന്നെവിട്ട് പോകാൻ ആഗ്രഹം ഉണ്ടായിട്ടല്ല. പക്ഷെ എല്ലാവരും പോകുമ്പോ എനിക്കും പോയല്ലേ ഒക്കൂ എനിക്കിവിടെ ഒറ്റക്ക് നിക്കാനാവില്ലല്ലോ “

സത്യം പറഞ്ഞ അവൾ പോവാണ് എന്നറിഞ്ഞതോടെ എനിക്ക് കരച്ചിൽ വരാൻ തുടങ്ങി. മൂന്നാം ക്ലാസ് മുതലുള്ള കൂട്ടാണ് ഞങ്ങൾ. ഇത്രയും നാൾ എല്ലാം ഷെയർ ചെയ്തിരുന്ന ഒരു ബെസ്റ്റ്‌ ഫ്രണ്ട് എന്നെ വിട്ട് പോവാണ് എന്നറിഞ്ഞതോടെ സഹിക്കാനായില്ല.