അർജുൻ എവിടെ? ഒരു മണിക്കൂറിനകം എനിക്ക് അവനെ കാണണം… വിളിക്കവനെ G M അലറി….

GMൻെറ PA അതുകേട്ട് വിറച്ച് പുറത്തേക്കോടി അയാൾ വന്നു നിന്നത് നകുലിന്റെ മുന്നിലായിരുന്നു… അയാളുടെ പരിഭ്രമത്തോടെയുള്ള വരവ് കണ്ടപ്പോഴേ നകുലിന് കാര്യം മനസ്സിലായി…

എന്താടോ ദാസെ…..പപ്പ വല്ലാത്ത ചൂടിൽ ആണെന്ന് തോന്നുന്നല്ലോ ??

അതെ സാർ… കണ്ണിൽ കാണുന്നതെല്ലാം തച്ചുടക്കുകയാണ് …ഉടൻതന്നെ അർജുനെ കാണണമെന്നാണ് ആവശ്യം.. അർജുൻ സാറിനെ വിളിച്ചിട്ട് ആണെങ്കിൽ കിട്ടുന്നില്ല, ഔട്ട് ഓഫ് കവറേജ് ഏരിയ ആണ് കാണിക്കുന്നത് …

അല്ലെങ്കിൽ എപ്പോഴാണ് അവൻ കവറേജ് ഉള്ള ഏരിയയിൽ വരുന്നത്.. വെള്ളവും അടിച്ച് ഏതെങ്കിലും പെണ്ണിൻറെ മുകളിൽ കയറി കൂത്താടുന്നുണ്ടാകും.. നകുൽ ഈർഷ്യയോടെ പറഞ്ഞു .

ഈ പറയുന്നതൊക്കെ ആരാണ് ചെയ്യുന്നതെന്ന് ഞങ്ങൾക്ക് എല്ലാവർക്കും അറിയാം …ഇക്കാര്യങ്ങളിൽ എല്ലാം അർജുൻ സാർ ഒരുവിധം കൺട്രോൾഡ് ആണ് …പി എ തൻറെ മനസ്സിൽ പറഞ്ഞു.

ദാസെ….അവനെ കിട്ടുന്നില്ലെങ്കിൽ അവൻറെ തന്തയെ വിളിച്ചു പറ… അയാൾക്ക് അറിവുണ്ടാകും അവൻ എവിടെയാണെന്ന്.. അതും പറഞ്ഞു പകുതിയോളം ഉണ്ടായിരുന്ന വിസ്കി തൻറെ വായിലേക്ക് കമിഴ്ത്തി.

***************************************

എൻറെ ഈ നാട്ടുകാർക്ക് വേണ്ടിയും വളർത്തിയ പ്രസ്ഥാനത്തിനുവേണ്ടിയും ജീവൻ കൊടുക്കുന്നതിൽ ഈ രാഘവന് അഭിമാനമേയുള്ളടാ. അത് നിന്നെപ്പോലെ കാശിന് ആളെക്കൊല്ലാൻ നടക്കുന്നവന്മാർക്ക് അറിയണമെന്നില്ല… ഞാൻ പോയാലും ഞാൻ പിടിച്ച ചെങ്കൊടി കീഴിൽ ആണുങ്ങൾ വേറെയുണ്ടെടാ നിന്നെപ്പോലുള്ളവരെ തടയാൻ… അവരെക്കൊണ്ടുമായില്ലെങ്കിൽ എന്റെ ചോരയിൽ എനിക്ക് ജനിച്ച എന്റെ കുഞ്ഞുണ്ടാകുമെടാ എനിക്ക് പകരം….. അവൻ ഒരുനാൾ നിൻറെ മുന്നിൽ വന്നു നിൽക്കും.. അന്ന് ഞാൻ നിന്റെ മുഖത്ത് ഇപ്പോൾ നോക്കുന്ന പോലെ ചങ്കൂറ്റത്തോടെ നോക്കി നിൽക്കാൻ നിനക്ക് ആകുമെങ്കിൽ അന്ന് ഞാൻ നിന്നെ ഒരാണിന്റെ കൂട്ടത്തിൽ കൂട്ടും… അതുവരെ നീ ഒരു ആണും പെണ്ണും കെട്ടവൻ ആയിരിക്കും എൻറെ മുന്നിൽ… സഭാപതി നീ ചെവിയിൽ നുള്ളിക്കോ…

“അവൻ വരും നിന്റെ തലയെടുക്കാൻ”

സഭാപതി ഉറക്കത്തിൽ നിന്നും ഞെട്ടി