ദേവലോകം 11 [പ്രിൻസ് വ്ളാഡ്] 593

നമ്മുടെ രണ്ട് കൺസൈൻമെന്റുകൾ നശിച്ചു…. നശിപ്പിച്ചു …

ആര് ?????എപ്പോൾ ??????സഭാപതി അമ്പരപ്പോടെ ചോദിച്ചു .

സാർ അത് കോഴിക്കോട് വെച്ച് ദേവദക്ഷ ഗ്രൂപ്പിൻറെ ഓണർ ഒരു ദക്ഷ അവളാണ് നമ്മുടെ ഒരു കൺസൈൻമെന്റ് നശിപ്പിച്ചത്..

അപ്പോൾ ബോംബെയിലേക്ക് നിന്ന് അയച്ചത്??? സഭാപതി ഇടയ്ക്കു കയറി ചോദിച്ചു.

അതും നശിച്ചു.. പക്ഷേ ആര് ….എങ്ങനെ…. അതൊന്നും അറിയില്ല നായിക്കിനെ ആണെങ്കിൽ വിളിച്ചിട്ട് കിട്ടുന്നുമില്ല …എല്ലാം കൂടെ ആയപ്പോൾ സാർ വളരെ വയലന്റായി …ആകെയുള്ള ആശ്വാസം അർജുൻ സാർ സാറിൻറെ ഭാഗം കൃത്യമായി ചെയ്തു എന്നുള്ളതാണ്.. ആ കൺസൈൻമെന്റ് സുരക്ഷിതമായി നമ്മുടെ ഗോഡൗണുകളിൽ എത്തിയിട്ടുണ്ട്.

പക്ഷേ അവിടെനിന്നും അപ്പോൾ തന്നെ അർജുൻ സാർ അപ്രത്യക്ഷമായിരുന്നു.. അവിടെ ആരോടും പറഞ്ഞിട്ടുമില്ല , ഇപ്പോൾ വിളിച്ചപ്പോൾ ഔട്ട് ഓഫ് കവറേജ് ഏരിയയിൽ… എന്ത് ചെയ്യണം എന്ന് എനിക്ക് ഒരു രൂപവുമില്ല സാർ..

താൻ വച്ചോ ഞാൻ അവനെ വിളിച്ചു പറഞ്ഞേക്കാം…

സഭാപതി ആൾ കോൾ കട്ട് ചെയ്ത് അർജുന്റെ പേഴ്സണൽ നമ്പറിലേക്ക് വിളിച്ചു ..കോൾ പോകുന്നുണ്ട് അല്പസമയത്തിനുള്ളിൽ അർജുൻ ലൈനിൽ വന്നു .

അർജുൻ നീ എവിടെയാണ്???

ഏൽപ്പിച്ച പണി കഴിഞ്ഞില്ലേ ….ഞാൻ കൊച്ചിയിലേക്ക് വന്നതാണ്… എനിക്ക് അവളെ ഒന്ന് കാണണം.. ദൂരെ മാറി നിന്നിട്ട് ആണെങ്കിലും .

നിനക്ക് ഇവിടെ നടന്നതിനെപ്പറ്റി വല്ല ഊഹവും ഉണ്ടോ അർജുൻ??? അവൾ കാരണം നമ്മുടെ ഒരു കൺസൈൻമെന്റ് ആണ് നഷ്ടമായത് രൂപ 200 കോടിയാണ് അവൾ തുലച്ചു കളഞ്ഞത് …സഭാപതി നടന്ന കാര്യങ്ങളെല്ലാം അർജുനോട് പറഞ്ഞു .

അത് കേട്ട് അർജുന്റെ ചുണ്ടിൽ ഒരു ചെറു പുഞ്ചിരി വിടർന്നു അല്ലെങ്കിലും അവൾ അങ്ങനെ തന്നെ ചെയ്യും.. അവളെ ഒളിച്ചു അവളുടെ മൂക്കിനടിയിലൂടെ ഇങ്ങനെ ഒരു ശ്രമം നടത്തിയാൽ കണ്ണടച്ച് തരാൻ മാത്രം മണ്ടി അല്ല എൻറെ ദക്ഷ.. അവൻ മനസ്സിൽ പറഞ്ഞു .

എന്നിട്ട് ഇനി ഞാൻ എന്തുവേണമെന്നാണ് അച്ഛൻ ഈ പറയുന്നത്…

നീ ഉടൻ തന്നെ കൊൽക്കത്തയിലേക്ക് വരണം.. അടുത്ത ഫ്ലൈറ്റിൽ തന്നെ , ഞാൻ അവിടെ ഉണ്ടാകും.

ഞാൻ അവളെ ഒന്ന് കണ്ടിട്ട് …..

അര്‍ജുന്‍ നിനക്ക് പറഞ്ഞാൽ മനസ്സിലാവില്ലേ??? ഇപ്പോൾ വരണമെന്ന് പറഞ്ഞാൽ ഇപ്പോൾ തന്നെ …

ഓക്കേ ഡാഡി …അവൻ നിരാശയോടെ ആ ഫോൺ കോൾ കട്ട് ചെയ്തു.