ദേവലോകം 11 [പ്രിൻസ് വ്ളാഡ്] 594

അയാൾക്ക് നിന്നെ ഇഷ്ടമാണെന്ന്….

വൈഗയുടെ ഉള്ളിലൂടെ ഒരു മിന്നൽ പാഞ്ഞു പോയി …അവൻറെ പുഞ്ചിരി.. അവൾ മനസ്സിൽ റിവൈൻഡ് ചെയ്തു …ആ പുഞ്ചിരിയിൽ ഒളിഞ്ഞിരുന്ന ഭാവം ..അത് പ്രണയമാണോ ???അവൾ ഒരു ഞെട്ടലോടെ ഓർത്തു ..

എടി നീ അവനെ ഷൂട്ട് ചെയ്തിട്ടും നിന്നെ കാണുമ്പോൾ അവൻ പുഞ്ചിരിക്കണം എന്നുണ്ടെങ്കിൽ ….എനിക്ക് തോന്നുന്നു വൈഗ …ഹി ഈസ് ഇൻ ലവ്… നിന്നോട് കർണന് പ്രണയം തുടങ്ങിയിരിക്കുന്നു..

അവൻ അതും പറഞ്ഞ് അവളെ നോക്കിയപ്പോൾ …ഒരു ശില്പം പോലെ എന്തോ ആലോചിച്ചിരിക്കുന്ന വൈഗയെയാണ് അവൻ കണ്ടത്… അവൻ അവളുടെ തോളിൽ പിടിച്ച് കുലുക്കി വിളിച്ചു. അവൾ ആ ഇരുന്ന ഇരുപ്പിൽ തന്നെ ഒന്നു ഞെട്ടിപ്പിടഞ്ഞു….

എടി നീ പറഞ്ഞതു വല്ലതും കേട്ടോ???

നീ എന്താ പറഞ്ഞത് ….കർണ്ണന് എന്നോട്……????

എൻറെ ഒരു ഊഹമാണ് …ഹി ഈസ് ഫാൾ ഫോർ യു …..നിന്നോട് അവന് പ്രണയം ഉണ്ടാകാം ….അവൻ ഒന്നു നിർത്തി …വീണ്ടും തുടർന്നു …നിനക്ക് അങ്ങനെ എന്തെങ്കിലും അവനോട് ?????

…..ഇല്ല….. ഇല്ലെന്ന് തോന്നുന്നു ……

അപ്പോൾ തോന്നലേയുള്ളൂ ..അല്ലേ …ഉറപ്പില്ല… അവനൊന്ന് ചിരിച്ചുകൊണ്ട് എഴുന്നേറ്റ് പുറത്തേക്ക് പോയി ….വൈഗ അതേ ഇരിപ്പ് തുടർന്നു…

ബാംഗ്ലൂരിലും മംഗലാപുരത്തുമായി എത്രയോ ആമ്പിള്ളേർ …അതും ഫ്രീക്ക് ലുക്കിലും ..എക്സിക്യൂട്ടീവ് ലുക്കിലും ഇവളുടെ പിറകെ നടന്നിട്ടുണ്ട് …അവടൊന്നും വീഴാതെ ഇവിടെ വന്ന് ഈ താന്തോന്നിയുടെ മുന്നിൽ വീണിരിക്കുന്നു…. പക്ഷേ കർണാ തന്നെ എന്റെ അളിയൻറെ സ്ഥാനത്ത് കാണാൻ ഒരു സുഖമൊക്കെ ഉണ്ടെടോ …അമറിന് അപ്പോൾ ഓർമ്മ വന്നത് മേഘനെന്ന കൊമ്പന്റെ ഉയർത്തിപ്പിടിച്ച കൊമ്പുകളിൽ കൈവെച്ച് നിൽക്കുന്ന കർണന്റെ മുഖമാണ് …അല്ലെങ്കിലും വൈഗേ നിന്നെ തളക്കാൻ ഈ കർണ്ണൻ തന്നെയാണ് ബെസ്റ്റ് …..അതോടൊപ്പം തന്നെ അച്ഛനെ നേരെ കോപപെട്ട് സംസാരിക്കുന്ന ലക്ഷ്മിയുടെ മുഖവും അവനുള്ളിൽ വന്നു…. അവൻറെ മുഖത്ത് തെളിമയുള്ള ഒരു പുഞ്ചിരി വിടർന്നു വന്നു…

***************************************

കൽക്കത്ത ജിഎമ്മിന്റെ ബംഗ്ലാവ്..

അവിടെ ജിഎമ്മിന്റെ ബിസിനസ് പാർട്ണർസിൽ ഒരുവിധപ്പെട്ട എല്ലാവരും എത്തിയിട്ടുണ്ട് ….ഇന്ത്യയിൽ നമ്പർ ടു ബിസിനസ് ചെയ്യുന്ന പല പ്രമുഖരും അക്കൂട്ടത്തിൽ പെടും… ഇന്ത്യയിലേക്ക് വരുന്ന ഡ്രഗ്സ് ..ഇല്ലീഗൽ ആയിട്ടുള്ള ആയുധങ്ങൾ ..ഇന്ത്യയിൽ നിന്നും പുറത്തേക്ക് പോകുന്ന മയക്കുമരുന്നുകൾ ഹ്യൂമൻ ഓർഗൻസ് എന്നിവയുടെ എല്ലാം ബിസിനസ് ചെയ്യുന്നവർ അക്കൂട്ടത്തിൽ ഉണ്ട്… ജി എമ്മിന് ഇന്ത്യയിലും പുറത്തുമായി ശക്തരായ എതിരാളികൾ ഉണ്ടെങ്കിലും തൻറെ കീഴിൽ തന്റെ വിശ്വസ്തരായ കുറച്ചുപേരെ കൂടെ നിർത്തിക്കൊണ്ട് തരക്കേടില്ലാത്ത രീതിയിൽ തന്നെ അയാൾ ബിസിനസ് ഓപ്പറേറ്റ് ചെയ്യുന്നുണ്ട്… അവിടെ നിൽക്കുന്ന പലരുടെയും മുഖത്തും ഭയമാണ് ജിഎം അത്രയ്ക്ക് ദേഷ്യത്തിലാണ്.

അവിടേക്കാണ് സഭാപതിയുടെയും അർജുന്റെയും കാറുകൾ വന്നു നിന്നത്.. ആരെയും കൂസാതെ അവർ രണ്ടുപേരും നേരെ ജി എമ്മിന്റെ അടുത്ത് എത്തി..

ജി എം അർജുനനെ കണ്ടു അവന്റെ അടുത്തേക്ക് കുതിച്ചെത്തി …

എൻറെ 800 കോടി രൂപയുടെ മുതലാണ് നഷ്ടമായത് അതുണ്ടാക്കാൻ ഞാൻ എത്ര പാടുപെട്ടു എന്ന് നിനക്കറിയാമോ…. വിശ്വസിച്ചിരുന്ന നായിക്കും ചതിച്ചു ….അവൾ ദക്ഷ …എൻറെ മോനെ ഓർത്തു മാത്രമാണ് അവളെ ഞാൻ ഒന്നും ചെയ്യാത്തത് ….

അത് കേട്ട് അർജുന്റെ മുഖം ചുവന്നു വന്നു… അവൻറെ ചെവിയിൽ തങ്ങി നിന്നത് ദക്ഷ എന്ന പേരും അതിനോടൊപ്പം പറഞ്ഞു കേട്ട എൻറെ മകൻ എന്ന് ശബ്ദവുമാണ് ….നകുലും ദക്ഷയുമായിട്ട് എന്താണ് ബന്ധം ??അവൻ മനസ്സിലാകാത്ത വിധം നകുലിനെ നോക്കി.