ദേവലോകം 11 [പ്രിൻസ് വ്ളാഡ്] 594

നിശബ്ദത വീണ്ടും അവരുടെ ഇടയിലേക്ക് കടന്നു വന്നു… മുഖത്തോട് മുഖം നോക്കി അവർ അങ്ങനെ നിന്നു.. കർണ്ണൻറെ ചുണ്ടിലെ പുഞ്ചിരി മാത്രം മായാതെ നിന്നു..

നിങ്ങൾ നിങ്ങളെന്തിനാ ഇങ്ങനെ എന്നെ നോക്കി ചിരിക്കുന്നത് ???ഒടുവിൽ ക്ഷമ കെട്ട് വൈഗ കർണ്ണനോട് ചോദിച്ചു….

” എനിക്കിഷ്ടം ഉണ്ടായിട്ട് “……ഒട്ടും താമസിക്കാതെ കർണൻ ചുണ്ട് കൂർപ്പിച്ച് പറഞ്ഞു ……

വൈഗ കരുതിയത് അവൻ തന്നെ കളിയാക്കുകയാണ് എന്നാണ് ….അത് കേട്ട് ചെറിയൊരു ദേഷ്യത്തോടെ അവൾ പിന്തിരിഞ്ഞു പുറത്തേക്കിറങ്ങി പോയി…… പക്ഷേ കർണ്ണൻ അത് മനസ്സിൽ തട്ടി പറഞ്ഞതാണ് ……

“അതെ അവന് അവളെ ഇഷ്ടമാണ്”

ഒടിഞ്ഞു മടങ്ങി കട്ടിലിൽ കിടന്നാലും അഹങ്കാരത്തിന് ഒരു കുറവുമില്ല ……..ഇഷ്ടം ആയിട്ടാണ് അത്രേ….. തിരികെ തറവാട്ടിൽ എത്തിയ വൈഗ തന്റെ റൂമിലിരുന്ന് പിറുപിറുക്കുകയാണ്……

നീ എന്താണ് ഒറ്റയ്ക്കിരുന്ന് സംസാരിക്കുന്നത് ???അങ്ങോട്ടേക്ക് കയറിവന്ന അമർനാഥ് ചോദിച്ചു.

ഒന്നുമില്ല ..അച്ഛൻ വന്നോ??

ഇതുവരെ എത്തിയിട്ടില്ല ..ഇനി വരുമെന്ന് തോന്നുന്നില്ല ..ഹോസ്പിറ്റലിൽ തന്നെ നിൽക്കാൻ ആയിരിക്കും ഉദ്ദേശം… ആട്ടെ നീ പോയിട്ട് എന്തായി?? ആരും കാണാതെ എങ്ങനെ അകത്തു കയറി ??

ഇതിലും സെക്യൂരിറ്റി ഉള്ള സ്ഥലങ്ങളിൽ ഒരു പൂച്ചക്കുഞ്ഞുപോലും അറിയാതെ കയറിയിട്ടുണ്ട് ഈ വൈഗ ….അപ്പോഴാണ് ഒരു തൂക്കടാ ഹോസ്പിറ്റൽ …വൈഗ പുച്ഛിച്ചു .

ശരി.. നീ കർണ്ണനെ കണ്ടിട്ട് എന്തുണ്ടായി.. അതു പറ ??

അവൾ അവരുടെ ഇടയിൽ നടന്ന കാര്യങ്ങളെല്ലാം അമറിനോട് പറഞ്ഞുകൊണ്ടിരുന്നു..

എന്നിട്ട് അവസാനം അയാളുടെ ഒരു ചിരിയും ..ചോദിച്ചപ്പോൾ ..

“എനിക്ക് ഇഷ്ടം ഉണ്ടായിട്ടാണ്” ആണത്രേ. കിടപ്പിലായിട്ടും അഹങ്കാരത്തിന് ഒരു കുറവുമില്ല .വൈഗ പറഞ്ഞു നിർത്തി..

അമർനാഥ് തന്റെ ചാരുകസേരയിലേക്ക് ചാരിയിരുന്നു ശേഷം താടിയിൽ ചൂണ്ടുവിരൽ കൊണ്ട് തട്ടിക്കൊണ്ടു പറഞ്ഞു …വൈഗ ഒരുപക്ഷേ കർണ്ണൻ സീരിയസ് ആയിട്ട് പറഞ്ഞതാണെങ്കിലോ???

………….എന്ത്????