ദേവലോകം 11 [പ്രിൻസ് വ്ളാഡ്] 593

താഴെ എന്തൊക്കെയോ വീണു പൊട്ടുന്ന ശബ്ദവും അമർനാഥിന്റെ അലർച്ചയും കേൾക്കുന്നുണ്ട് ….അവൾ പെട്ടെന്ന് തന്നെ താഴേക്ക് ഓടിയിറങ്ങി ….അവിടെ അമർനാഥ് അനുരുധിനെ തലങ്ങും വിലങ്ങും തല്ലുകയാണ്…. അനന്തൻ അവനെ പിടിച്ചു മാറ്റാൻ ശ്രമിക്കുന്നുണ്ട് അയാളെയും അവൻ പുറത്തേക്ക് തള്ളി മാറ്റി ….

എന്താണ് അമർ ???എന്തുപറ്റി??? വൈഗ അവനെ പിടിച്ചുമാറ്റി കൊണ്ടു ചോദിച്ചു.

നീ ചോദിച്ചില്ലേ ആരാ തെറ്റ് ചെയ്തതെന്ന്…. ഇവരാണ്…. അവൻ അനുരുദ്ധനേയും അനന്തനെയും ചൂണ്ടിക്കൊണ്ട് പറഞ്ഞു .

കർണ്ണൻ പറഞ്ഞത് അത്രയും സത്യമാണ്… അവൻ അവനുവേണ്ടി കരാർ ഉറപ്പിച്ചിരുന്ന തടിയാണ് അമ്മാവൻ കൈക്കൂലി കൊടുത്തു ഇവിടേക്ക് മറിച്ചത് …പിന്നെ ഗുണ്ടാപ്പടയുടെ കാര്യം ,,കർണ്ണൻ നെഞ്ചുവിരിച്ച് നിന്നാൽ ഇവരൊന്നും അവൻറെ ഏഴയലത്ത് പോലും എത്തില്ല… അങ്ങനെയൊരു ഒറ്റയാന് ഒരു ഗുണ്ടയുടെയും ആവശ്യവും ഉണ്ടാകില്ല…… നീയറിഞ്ഞതെല്ലാം വെറും കള്ളമാണ് വൈഗ….. ഇയാൾ ഉണ്ടാക്കി പറഞ്ഞ വെറും നുണകൾ …..അവൻ അനന്തനെ ചുണ്ടി പറഞ്ഞു .

സത്യമാണോ ????ഞാൻ ഈ കേട്ടത്…. അവൾ അനന്തന് നേരെ തിരിഞ്ഞു…

അത് മോളെ ബിസിനസ് അല്ലേ… അതിൽ കുറച്ച് കള്ളത്തരം ഒക്കെ കാട്ടേണ്ടി വന്നെന്നിരിക്കും .അത് വലിയ തെറ്റാണോ??? അതിനാണോ ഇവൻ എന്റെ മോനെ ഇങ്ങനെ പട്ടിയെ തല്ലുന്ന പോലെ തല്ലുന്നത്…

അതിന് വൈഗ ഉത്തരം പറഞ്ഞത് അനിരുദ്ധന്റെ ചെകിട്ടത്തിട്ട് ഒന്ന് പൊട്ടിച്ചിട്ടാണ് ….

ഇത് നിങ്ങൾക്ക് തരാനുള്ളതാണ്…. പക്ഷേ പ്രായം ,,,ബന്ധം ,,,അതിനെ ഈ വൈഗ മാനിക്കുന്നത് കൊണ്ട് മാത്രമാണ് ഈ ഇളവ്…. ഇനി അത് നിങ്ങൾ എന്നിൽ നിന്നും പ്രതീക്ഷിക്കരുത് …….അമറേ നീ വാ …..അവൾ അമര്‍നാഥിനെയും കൂട്ടി മുകളിലേക്ക് കേറിപ്പോയി…

അമറിനൊപ്പം തന്റെ മുറിയിൽ കയറിയ വൈഗ അവിടെ കണ്ട തടി അലമാരയിലേക്ക് ആഞ്ഞടിച്ചു….

തോറ്റുപോയി ….ജീവിതത്തിൽ ആദ്യമായി വൈഗ തോറ്റുപോയി ….തോൽപ്പിച്ചു അവൻ …..വൈഗ പുലമ്പി.

അനന്തന്റെ കാര്യത്തിൽ നമുക്കൊരു തീരുമാനം ഉണ്ടാക്കാം അമർനാഥ് അവളെ സമാധാനിപ്പിച്ചു .

അനന്തനല്ല …….കർണ്ണൻ …….അവനാണ് എന്നെ തോൽപ്പിച്ചത് ……അമറേ ….എനിക്ക് കണ്ണടക്കാൻ കഴിയുന്നില്ല ……കണ്ണടച്ചാൽ കാണുന്നത് അവൻറെ മുഖമാണ് , മുറിവേറ്റു നിന്നപ്പോഴും അവൻറെ ചുണ്ടിൽ മായാതെ കിടന്ന ആ ചിരി , അവൻറെ കണ്ണുകളിൽ ഞാൻ കണ്ട വിശദീകരിക്കാനാവാത്ത ആ ഭാവം… അതെന്നെ വല്ലാതെ തളർത്തുന്നു അമർ…. തെറ്റ് എൻറെ ഭാഗത്താണ് എന്നറിഞ്ഞതും എനിക്കത് സഹിക്കാൻ കഴിയുന്നില്ല…

നീ ചെയ്തത് തെറ്റ് തന്നെയാണ് പക്ഷേ അത് നീ അറിഞ്ഞു കൊണ്ടല്ലല്ലോ….. പിന്നെ അതിന് പരിഹാരം എന്താണ് എന്നാണ് നോക്കേണ്ടത്…. നീ ഇവിടെ റസ്റ്റ് എടുക്ക് ഞാൻ ഒന്ന് ഹോസ്പിറ്റൽ വരെ പോയി വിവരങ്ങൾ അറിഞ്ഞിട്ട് വരാം …