ദേവലോകം 11 [പ്രിൻസ് വ്ളാഡ്] 595

ലക്ഷ്മി  : അല്ല ഇതാരുടെ വണ്ടിയാ?? ഇതിനു മുൻപ് ഇവിടെ കണ്ടിട്ടില്ലല്ലോ??

വിശ്വൻ :  ഇവൻറെ സുഖവിവരം അറിയാൻ വന്ന ആരെങ്കിലും ആയിരിക്കും …അകത്ത് നിങ്ങളുടെ സഹായത്തിനായി ഒരാളെ നിർത്തിയിരുന്നു …ഒരു കല്യാണി ചേച്ചി.. അവർ അകത്തേക്ക് വിളിച്ചിരുത്തി കാണും.

ലക്ഷ്മി കർണന്റെ അടുത്തേക്ക് ചെന്ന് അവനെ തിരികെ വിളിച്ചു കൊണ്ടുവന്നു… അധികസമയം നിൽക്കാനോ നടക്കാനോ പാടില്ല എന്നാണ് ഡോക്ടർ പറഞ്ഞിരിക്കുന്നത് …അവർ അകത്തേക്ക് കയറി …അടുക്കളയിൽ നിന്നും തട്ടിലും മുട്ടലും ഒക്കെ കേൾക്കുന്നുണ്ട് …വിശ്വൻ ഹാളിൽ നിന്നുകൊണ്ട് ചേച്ചിയെ ചേച്ചി എന്ന് ഉറക്കെ വിളിച്ചു… അടുക്കളയിൽ നിന്ന് പുറത്തിറങ്ങിയ ആളെ കണ്ടു അവരെല്ലാവരും സ്തംഭിച്ചു നിന്നു……

മൂന്നുപേരുടെ മുഖം ഇരുണ്ട് വന്നെങ്കിലും കർണന്റെ മുഖം വെൺനിലാവ് പോലെ തിളങ്ങി നിന്നു …

വൈഗയായിരുന്നു അടുക്കളയിൽ നിന്നും ഇറങ്ങിവന്നത്….. കറുത്ത ഒരു സാരിയാണ്, അതിൻറെ തുമ്പെടുത്ത് ഇളിയിൽ കുത്തി വെച്ചിരിക്കുന്നു …വലിയ ആഭരണങ്ങളോ ഒന്നുമില്ല നെറ്റിലൂടെയും കഴുത്തിലൂടെയും വിയർപ്പൊഴുകുന്നുണ്ട്… എന്തോ പണിയിലായിരുന്നു അകത്ത്…

നീയെന്താ ഇവിടെ ????വിശ്വൻ ഒരു അമ്പരപ്പോടെ ചോദിച്ചു …അല്ല ലക്ഷ്മി അമ്മ എവിടെ? അവൻ കൂട്ടിച്ചേർത്തു.

ഞാൻ അവരെ പറഞ്ഞു വിട്ടു ….ഇത് ഞാനായിട്ട് ഉണ്ടാക്കിവച്ചതല്ലേ കർണന്റെ പരുക്കുകൾ മാറുന്നത് വരെ ഞാൻ ഉണ്ടാകും ഇവിടെ …എന്തെങ്കിലും ഉണ്ടെങ്കിൽ എന്നോട് പറഞ്ഞാൽ മതി.. അവൾ കൂസലില്ലാതെ പറഞ്ഞു.

അവളുടെ സംസാരവും നിൽപ്പും കണ്ട് ലക്ഷ്മിക്ക് വിറഞ്ഞുകയറി …

എന്താ നിങ്ങളുടെ ഉദ്ദേശം …..ആദ്യം എൻറെ ഏട്ടനെ ഈ പരുവമാക്കി…. നിങ്ങൾക്കറിയാമോ ….എന്റെ …എൻറെ ഏട്ടന് എന്തുമാത്രം വേദനിച്ചെന്ന്,,, എന്നിട്ട് ഇതിപ്പം ആരെ കാണിക്കാനാ…… ഇങ്ങനെയൊക്കെ ഇവിടെ വന്ന് ചെയ്താൽ ഞങ്ങൾ എല്ലാം മറക്കും എന്ന് കരുതിയോ ??? അതോ കേസ് ഒന്നുമില്ല എന്ന് പോലീസിൽ പറഞ്ഞതിന്റെ പ്രത്യുപകാരമോ ???ഒന്നും വേണ്ട …..നിങ്ങൾ …..നിങ്ങളെ കണ്ടുകൊണ്ടിരുന്നാൽ എൻറെ ഏട്ടന് ഒരു മനസമാധാനവും ഉണ്ടാവില്ല… എനിക്കും. എൻറെ ഏട്ടനെ കൊല്ലാൻ നോക്കിയവരല്ലേ… അതോ ഇനി ചത്തില്ല എന്ന് കരുതി വീണ്ടും കൊല്ലാനായി ഇറങ്ങി പുറപ്പെട്ടതാണോ??? എന്തായാലും നിങ്ങളുടെ ഒരു ഉദ്ദേശവും ഇവിടെ നടക്കില്ല… ഇപ്പം ഇവിടുന്ന് ഇറങ്ങി പൊയ്ക്കോണം… ഏട്ടന് മാത്രമേ വയ്യാതായിട്ടുള്ളൂ എൻറെ കൈയ്ക്കും കാലിനും ഒരു കുഴപ്പവുമില്ല ….തനിയെ ഇറങ്ങിപ്പോകുന്നോ അതോ അടിച്ചിറക്കണോ ???ലക്ഷ്മി പൊട്ടിത്തെറിക്കുകയായിരുന്നു.

ലക്ഷ്മി ഇത്രയും പറയുമെന്ന് കർണ്ണനും കരുതിയില്ല ….പലപ്പോഴും തടയണമെന്നുണ്ടായിരുന്നു …പക്ഷേ അവളുടെ ദേഷ്യം അങ്ങനെ തീരുന്നെങ്കിൽ തീരട്ടെ എന്ന് അവനും കരുതി..

ലക്ഷ്മി പറഞ്ഞതെല്ലാം കേട്ട് വൈഗക്ക് സങ്കടം വന്നു …എങ്കിലും അതെല്ലാം താൻ അനുഭവിക്കേണ്ടത് തന്നെയാണെന്ന് ഉള്ള തിരിച്ചറിവിൽ അവൾ നിന്നു …അവളുടെ കണ്ണിൽനിന്ന് ഒരിറ്റ് കണ്ണീരോ ചുണ്ടിൽ നിന്നും ഒരു വിതുമ്പലോ പുറത്തേക്കു വന്നില്ല ..എല്ലാം പറഞ്ഞുകഴിഞ്ഞ് ലക്ഷ്മി കിതക്കുകയായിരുന്നു .

എല്ലാം പറഞ്ഞു കഴിഞ്ഞെങ്കിൽ കാറിൽ ഇരിക്കുന്ന സാധനങ്ങൾ എല്ലാം എടുത്ത് അകത്തേക്ക് വെച്ചേക്ക് …….ഉച്ചയ്ക്ക് കഴിക്കാനായി കഞ്ഞിയും നിനക്ക് ചോറും കറികളും ഉണ്ടാക്കി വച്ചിട്ടുണ്ട് ….എടുത്തു കഴിച്ചിട്ട് ചെന്നിരുന്നു പഠിക്കാൻ നോക്ക്… അറിയാമല്ലോ അടുത്ത ആഴ്ച മുതൽ എക്സാം ആണ് …അത്രയും പറഞ്ഞ് വൈഗ വെട്ടിത്തിരിഞ്ഞ് അടുക്കളയിലേക്ക് പോയി ……

ചേട്ടാ അവൾ പറഞ്ഞത് കേട്ടില്ലേ ?? എന്ത് അഹങ്കാരമാണ് അവൾക്ക്… ലക്ഷ്മി കർണ്ണനോട് പറഞ്ഞു.

അവൾ നിന്നെക്കാൾ മൂത്തതല്ലേ ….അവൾ ഇവൾ എന്നാണോ വിളിക്കേണ്ടത് ….

ഇപ്പോൾ അതാണോ വിഷയം അവൾ പറഞ്ഞിട്ട് പോയത് കേട്ടില്ലേ????

അതുതന്നെയാണ് എനിക്കും പറയാനുള്ളത് …അവൾ പറഞ്ഞിട്ട് പോയത് നീ കേട്ടില്ലേ …പോയിരുന്ന് പഠിക്കെടീ… എന്തെങ്കിലും വേണമെങ്കിൽ അവളോട് ചോദിച്ചാൽ മതി ….അതും പറഞ്ഞ് ഒരു ചെറു ചിരിയോടെ വാക്കറും ഉന്തിപ്പിടിച്ച് കർണൻ തന്റെ റൂമിലേക്ക് നടന്നു .

ബാക്കി മൂന്നുപേരും അവിടെ നടന്നുതൊന്നും മനസ്സിലാവാതെ വായും തുറന്നു നിന്നു ….

അടുക്കളയിൽ കയറിയ വൈഗ കബോർഡിൽ ചാരി നെഞ്ചത്ത് കൈവച്ച് ശ്വാസം വലിച്ചു വിട്ടു ….കർണ്ണൻ എന്തെങ്കിലും എതിര് പറയും എന്നാണ് അവൾ വിചാരിച്ചത് ഭാഗ്യത്തിന് അതുണ്ടായില്ല…. ലക്ഷ്മിയുടെ കോപത്തിന് കാരണമുണ്ട് അതുകൊണ്ടുതന്നെ അത് അവളെ വിഷമിപ്പിച്ചതുമില്ല… അപ്പോഴാണ് ലക്ഷ്മി അടുക്കളയിലേക്ക് ചെന്നത്.. അവിടെ നിൽക്കുന്ന വൈഗയെ നോക്കിക്കൊണ്ട് ലക്ഷ്മി..