ദേവലോകം 11 [പ്രിൻസ് വ്ളാഡ്] 595

ഉണർന്നു…

ഇപ്പോൾ ഇങ്ങനെ ഒരു സ്വപ്നം ……അയാൾ വെട്ടിവിയർക്കുകയായിരുന്നു….

അയാൾ കണ്ണടച്ച് ആ രാത്രി ഒന്നുകൂടി ഓർത്തെടുത്തു ….

ഭദ്രൻറെ തിരോധാനത്തെ പറ്റി അന്വേഷിച്ച് രാഘവൻ ദേവലോകം ഹോസ്പിറ്റലിൽ കയറി , താങ്ങൾക്കെതിരെയുള്ള പല തെളിവുകളും സംഘടിപ്പിച്ചിരുന്നു ഓർഗൻ ട്രാഫിക്കിങ്ങിന്റെയും മെഡിസിൻ എക്സ്പെരിമെന്റിന്റെയും അങ്ങനെ പലതും… അവൻ അത് പുറത്തുവിട്ടാൽ തങ്ങളുടെ അന്ത്യമായിരിക്കും എന്ന് മനസ്സിലാക്കി അവനെ തീർക്കാൻ തന്നെയാണ് ആ രാത്രിയിൽ അവൻറെ മുന്നിൽ പോയത് …….

അനന്തനും കൂടെയുണ്ടായിരുന്നു , തിരുനെൽവേലിയിൽ നിന്നും വന്ന ടീമായിരുന്നു കൂടെ ഉണ്ടായിരുന്നത് …തീർത്തു കളഞ്ഞിട്ട് ഒരു രാഷ്ട്രീയ കൊലപാതകം ആക്കി മാറ്റാനായിരുന്നു പ്ലാൻ …അന്ന് താൻ ആദിയുടെ ലീഗൽ അഡ്വൈസർ ആയിരുന്നു G.M ആണ് തന്നെ അവിടെ കയറിപ്പറ്റാൻ സഹായിച്ചത് …വൈകിയാണ് തന്നോട് സൗഹൃദം സ്ഥാപിച്ച രാഘവന്റെ ഉദ്ദേശം എനിക്ക് മനസ്സിലായത് , അപ്പോഴേക്കും അവൻ വേണ്ടെ വിവരങ്ങൾ എല്ലാം മനസ്സിലാക്കിയിരുന്നു…എത്ര ചോദിച്ചിട്ടും പ്രഹരിച്ചിട്ടും ആ തെളിവുകൾ എവിടെയുണ്ടെന്ന് അവൻ പറഞ്ഞില്ല… പിന്നിൽ നിന്ന് കുത്തേണ്ടി വന്നു അവനെ ഒന്ന് കീഴ്പ്പെടുത്താൻ ..തിരുനെൽവേലി ടീമിലെ ആറുപേരെയാണ് അവൻ അന്ന് കാലപുരിക്ക് അയച്ചത് ….പക്ഷേ അവൻ മരിക്കുന്നതിനു മുൻപ് പറഞ്ഞ വാക്കുകൾ അതിപ്പോഴും തൻറെ ചെവിയിൽ മുഴങ്ങിക്കൊണ്ടിരിക്കുന്നു …

“അവൻ വരും നിൻറെ തലയെടുക്കാൻ”

അതിന്നും തന്റെ ഉറക്കം കെടുത്തുന്നുണ്ട്…

ഫോണിൻറെ റിങ്ടോൺ ആണ് അയാളെ വർത്തമാനത്തിലേക്ക് കൂട്ടിക്കൊണ്ടുവന്നത് ….

അയാൾ ഫോണിൻറെ ഡിസ്പ്ലേയിലേക്ക് നോക്കി,,, വൈഗ ആണ് .

ഹലോ, വൈഗ മോളെ എന്താണ് ഈ  രാത്രിയിൽ …

സോറി അങ്കിൾ ഉറക്കം ഡിസ്റ്റർബായോ???

ഇല്ല  മോളേ… പറഞ്ഞോ…

അങ്കിൾ… ദേവദക്ഷ എക്സ്പോർട്ട്സും ആയിട്ടുള്ള കോൺട്രാക്ട് ഡ്രാഫ്റ്റ് , അങ്കിളിന്റെ മെയിലിലേക്ക് അയച്ചിട്ടുണ്ട്..As our ലീഗൽ അഡ്വൈസർ അങ്കിൾ അതൊന്ന് ചെക്ക് ചെയ്തിട്ട് എന്തെങ്കിലും മാറ്റം വരുത്തണമെങ്കിൽ പറയണം …രാവിലെ മെയിൽ ചെയ്യാനുള്ളതാണ്… രാവിലെ ചെക്ക് ചെയ്താലും മതി , ഞാൻ ചിലപ്പോൾ മറന്നാലോ അതാണ് ഈ രാത്രിയിൽ ഡിസ്റ്റർബ് ചെയ്യേണ്ടി വന്നത് …പിന്നെ അജു എവിടെയാണ് അങ്കിൾ ???അവനായിരുന്നു ദേവദക്ഷ എക്സ്പോർട്ടും ആയുള്ള ഈ കോൺട്രാക്ടിന് എന്നെ നിർബന്ധിച്ചത്… പിന്നെ അവനെ ആ വഴിക്ക് കണ്ടിട്ടില്ല….

അവൻ അവന്റെ ഒരു ഫ്രണ്ടിൻറെ ആവശ്യത്തിനായി എവിടെയോ പോയിരിക്കുകയാണ് …എന്നെ വിളിച്ചിട്ടും രണ്ടുദിവസമായി ..വിളിക്കുകയാണെങ്കിൽ നിൻറെ കാര്യം പറയാം..

ശരി അങ്കിൾ …എന്നാൽ ഞാൻ വയ്ക്കുകയാണ് ..

സഭാപതി ഫോൺ കട്ട് ചെയ്ത് തൻറെ കട്ടിലിലേക്ക് ചാഞ്ഞു.. അപ്പോഴാണ് ഫോൺ പിന്നെയും റിംഗ് ചെയ്തത് .ഫോൺ അറ്റൻഡ് ചെയ്തു ചെവിയോട് ചേർത്തു.

ഹലോ സഭാപതി സാർ ഇത് ദാസ് ആണ്….

മനസ്സിലായി എന്താ ദാസേ, ഈ രാത്രിയിൽ???

അത് G.M സാർ ഇവിടെ വയലന്റായി ഇരിക്കുകയാണ്.. ഇപ്പോൾ അർജുനെ കാണണം എന്നാണ് പറയുന്നത്. അതും ഒരു മണിക്കൂറിനുള്ളിൽ ..

അതിനുംവേണ്ടി അവിടെ എന്ത് സംഭവിച്ചു ദാസ് ???