ദേവലോകം 11 [പ്രിൻസ് വ്ളാഡ്] 595

എനിക്ക്….. എൻറെ ചേട്ടനെ ഒന്ന് കാണണം ഡോക്ടർ…. ഇല്ലെങ്കിൽ ഞാൻ…. അവൾക്ക് അത് പറഞ്ഞു മുഴുവൻ ആക്കാൻ പറ്റിയില്ല.

ഡോക്ടർക്ക് അവളുടെ അവസ്ഥ മനസ്സിലായി …

ഇപ്പോൾ പോസ്റ്റ് ഓപ്പറേറ്റിങ് ഐസിയുവിലേക്ക് മാറ്റിയതേയുള്ളൂ… വൈകിട്ട് ആവട്ടെ ഒരാൾക്ക് കയറി കാണാം ,, അപ്പോഴേക്കും അയാൾക്ക് ബോധം വരും …താൻ ഇങ്ങനെ ഇരുന്നു കരഞ്ഞാൽ തന്നെയും ഇവിടെ ഞാൻ പിടിച്ച് അഡ്മിറ്റ് ചെയ്യും ….ഡോക്ടർ ചെറു ചിരിയോടെ ലക്ഷ്മിയെ നോക്കി പറഞ്ഞു.

പിന്നെ എല്ലാവരും കൂടി ഇവിടെ ഇങ്ങനെ കൂടി നിൽക്കണ്ട , ഇതൊരു ആശുപത്രിയാണ് ….ഒരു താക്കീതു പോലെ ഡോക്ടർ പറഞ്ഞിട്ട് അയാൾ തൻറെ റൂമിലേക്ക് പോയി .

ഡോക്ടർ പറഞ്ഞുകേട്ട് കുറച്ചുപേർ ഒഴിച്ച് ബാക്കി എല്ലാവരും ഓപ്പറേഷൻ തീയറ്ററിന്റെ മുന്നിൽ നിന്നും മാറിനിന്നു. ഇപ്പോൾ അതിന് മുന്നിൽ സുകന്യയും ഭദ്രേനും ലക്ഷ്മിയും പിന്നെ അവൻറെ ഏറ്റവും അടുത്ത ഒന്ന് രണ്ട് സുഹൃത്തുക്കളും മാത്രമേ ഉള്ളൂ അതിലൊന്ന് സുകന്യയുടെ ഭർത്താവ് വിശ്വനാണ് മറ്റൊന്ന് സഖാവ് വൈശാഖനും… അല്പസമയത്തിനുശേഷം സുകന്യയുടെ തോളിൽ ചാരിയിരുന്ന ലക്ഷ്മി കണ്ണുനീര് തുടച്ചു എഴുന്നേറ്റു ശേഷം ഭദ്രൻറെ മുന്നിൽ ചെന്ന് നിന്നു…

എന്തിനാണ് എന്തിനാണ് നിങ്ങളുടെ മകൾ എൻറെ ചേട്ടനെ ഉപദ്രവിച്ചത് ??? എൻറെ ചേട്ടൻ നിങ്ങളോട് ഒക്കെ എന്ത് തെറ്റാ ചെയ്തത് ????നിങ്ങളുടെ തറവാട്ടുകാർ പുറകെ നടന്നു ഉപദ്രവിച്ചിട്ടും ഒഴിഞ്ഞുമാറി നടന്നതല്ലേ ഞങ്ങൾ …..അതിന് ഞാൻ ചേട്ടനെ കുറ്റപ്പെടുത്തുമ്പോഴെല്ലാം ചേട്ടൻ ഒന്നേ പറഞ്ഞിട്ടുള്ളൂ ….നമ്മുടെ അച്ഛൻറെ പ്രാണന്റെ ഭാഗമായ ഒരാൾ ജീവിച്ചിരുന്നത് അവിടെയാണ് ……മറ്റാരെ പരിഗണിച്ചില്ലെങ്കിലും അദ്ദേഹത്തെ മറക്കരുത് എന്ന് ……എന്നിട്ട് അയാളുടെ ചോര തന്നെ എൻറെ ചേട്ടനെ …..അവളുടെ കണ്ണുകൾ വീണ്ടും നിറഞ്ഞു വന്നു…. വാശിയോടെ അത് തുടച്ചു മാറ്റിക്കൊണ്ട് അവൾ തുടർന്നു ….

നിങ്ങൾ അനുഭവിക്കും ….എനിക്ക് ഈ ഭൂമിയിൽ സ്വന്തം എന്ന് പറയാൻ ബാക്കിയുള്ളത് എൻറെ ചേട്ടൻ മാത്രമാണ്…… ഏട്ടനെ നോവിച്ച നിങ്ങളും നിങ്ങളുടെ മക്കളും നരകിക്കും ….അവൾ അതും പറഞ്ഞു പിറകിലേക്ക് നടന്നു നടന്നു ഭിത്തിയിൽ തട്ടിൽ നിന്നു… ഭിത്തിയിലൂടെ താഴേക്ക് ഊർന്നിറങ്ങി ബോധം മറഞ്ഞു വീണു .

പെട്ടെന്ന് തന്നെ ഭദ്രൻ അവളെ താഴെന്ന് വാരിയെടുത്തു നേഴ്സിങ് റൂമിലേക്ക് ഓടി , അവളെ അവിടെ കട്ടിലിൽ കിടത്തി , പെട്ടെന്ന് തന്നെ നഴ്സുമാർ ട്രിപ്പ് സ്റ്റാർട്ട് ചെയ്തു …

വൈഗയുടെ അടുത്തുനിന്നും ഹോസ്പിറ്റലിലേക്ക് എത്തിയ അമർനാഥ് ഇതെല്ലാം കാണുന്നുണ്ടായിരുന്നു ….തൻറെ അച്ഛന് നേരെ കൈ ഉയർത്തി ആക്രോശിക്കുന്ന ഒരാളെ ഇത്ര അലിവോടെ അമർനാഥ് നോക്കുന്നത് ആദ്യമായിട്ടായിരിക്കും… അവൻ പിന്നീട് അവിടെനിന്ന് പോയത് കർണ്ണനെ ഓപ്പറേറ്റ് ചെയ്ത ഡോക്ടറുടെ അടുത്തേക്കാണ്… അയാളുടെ അടുത്തുനിന്നും കർണന്റെ ഇപ്പോഴത്തെ അവസ്ഥയെപ പറ്റി ചോദിച്ചറിഞ്ഞു ….അമർനാഥ് അയാളുമായി നല്ലൊരു ബന്ധം സ്ഥാപിച്ചു …പിന്നീട് അത് തനിക്ക് ആവശ്യമായി വരും എന്ന് അവന് അറിയാമായിരുന്നു ….