ദക്ഷാർജ്ജുനം 15 [Smera lakshmi] 133

പിന്നെ വേദവർമ്മനും ഉണ്ണിയും കാവിലൂടെ നടന്നു വന്ന് പുതിയ ഈശ്വരമംഗലം മനയിലേക്ക് കയറി.

ഉണ്ണി കാളിംഗ് ബെല്ലിൽ വിരലമർത്തി.

അൽപസമയത്തിന് ശേഷം വീടിനകത്ത് നിന്നും വെളിച്ചം തെളിഞ്ഞു.

ഡോർ തുറന്ന് മഹാദേവനും വിഷ്ണുവും ദേവനും കൂടി ഒന്നിച്ചു പുറത്തേക്ക് വന്നു.

“മുറ്റത്തു നിൽക്കുന്ന വേദവർമ്മനേയും ഉണ്ണിയേയും കണ്ട് ഒരു നിമിഷം അവരൊന്ന് അന്ധാളിച്ചു.”

മഹാദേവൻ അവരെ അകത്തേക്ക് സ്വീകരിച്ചിരുത്തി.

“മുത്തശ്ശ അങ്ങ് എന്താണീ സമയത്ത്?”

മഹാദേവൻ ചോദിച്ചു.

അതിനു മറുപടി പറയാതെ വേദവർമ്മൻ ഉണ്ണിയെ ഒന്നുനോക്കി.

“താൻ എല്ലാവരോടും ഇങ്ങോട്ട് വരാൻ പറയാ….എന്നിട്ട് ബാക്കി സംസാരിക്കാം.”

വേദവർമ്മൻ മഹാദേവനോടായി പറഞ്ഞു.