ദക്ഷാർജ്ജുനം 15 [Smera lakshmi] 132

“ഇതേസമയം ചൊവ്വൂരില്ലത്തെ പൂജാമുറിയിൽ നിന്നും താനെ മണികൾ മുഴങ്ങി.”

 

“എങ്ങും കർപ്പൂരത്തിന്റെയും ചന്ദനത്തിന്റേയും ഗന്ധം പരന്നു.”

 

വേദവർമ്മൻ ഞെട്ടിയുണർന്നു.

 

“ഉണ്ണീ….”

 

കട്ടിലിൽ എഴുന്നേറ്റിരുന്ന് വേദവർമ്മൻ വിളിച്ചു.

 

“അമ്മാവാ….

ഞാനിവിടെ ഉണ്ട്.”

 

“വരൂ….വേഗം ദേഹശുദ്ധി വരുത്തി പൂജാഅറയിൽ കയറണം.”

 

“ദക്ഷ വീണ്ടും അവളുടെ പ്രതികാരം സാധിച്ചിരിക്കുന്നു.

വേഗം വര്വാ…”

 

വേദവർമ്മൻ പറഞ്ഞു.

 

രണ്ടുപേരും പെട്ടെന്ന് ശുദ്ധിയായി പൂജാഅറയിലേക്ക് കയറി.

 

“അപ്പോൾ പൂജാഅറയിൽ നിറഞ്ഞു കത്തുന്ന ദീപങ്ങളും മണിയൊച്ചയും ഒപ്പം കർപ്പൂരത്തിന്റെയും ചന്ദനത്തിന്റേയും സുഗന്ധവും.”

 

“അവർ  ദേവിയ്ക്ക് മുൻപിൽ സാഷ്ടാംഗം പ്രണമിച്ചു.”