ദക്ഷാർജ്ജുനം 15 [Smera lakshmi] 132

ഇപ്പോൾ പറയേണ്ട.

 

“ഇന്നലെ രാത്രിയിൽ കൂടി ഏട്ടൻ എന്നെ വിളിച്ചതാ അപ്പോഴൊന്നും ഞാൻ ഇങ്ങോട്ട് വരുന്ന കാര്യം പറയാതിരുന്നത് കൊണ്ട് എന്നെ വഴക്കു പറഞ്ഞു കൊല്ലും.

ഏട്ടൻ വന്നിട്ട് നേരിൽ കാണാം.”

 

പ്രവീൺ വീണയെ അവിടെത്തന്നെ പിടിച്ചിരുത്തിക്കൊണ്ട് പറഞ്ഞു.

 

വീണേ എങ്കിൽ പ്രവീണിന് മുറി കാണിച്ചുകൊടുക്ക് അവൻ ഫ്രെഷായിക്കോട്ടെ.

 

വസുന്ധര വീണയോട് പറഞ്ഞു.

 

വേണ്ട ആന്റി…..

 

“എന്റെ കൂടെ വേറെയും ആളുകളുണ്ട്.

ഞാൻ വന്നത് ഇവിടെ നടന്ന മർഡറിനെ കുറിച്ച് അന്യോഷിക്കാനാണ്.”

 

പ്രവീൺ പറഞ്ഞു.

 

ആ കേസ് ക്രൈംബ്രാഞ്ചിലേക്ക് മാറിയോ?

 

വസുന്ധര ചോദിച്ചു.

 

“അങ്ങനെയല്ല ആന്റി.

മാളികപ്പുരയ്ക്കൽ ഗ്രൂപ്പിന്റെ പാർട്ണേഴ്സായ മൂന്നുപേരാണ് അടുത്തടുത്ത ദിവസങ്ങളായി കൊല ചെയ്യപ്പെട്ടത്.”