ദക്ഷാർജ്ജുനം 15 [Smera lakshmi] 132

“ഇതിനെല്ലാം കാരണക്കാർ അർജ്ജുനനും ദക്ഷയും കൂടി ആണെന്ന് കേട്ടതും മഹാദേവൻ വസുന്ധരയെ നോക്കി.”

 

മുത്തശ്ശൻ എന്തൊക്കെയാണീ പറയുന്നത്?

 

വസുന്ധര ചോദിച്ചു.

 

“നിങ്ങൾ അറിഞ്ഞത് സത്യമാണ്.

ഞങ്ങളിപ്പോൾ അവരോട് സംസാരിച്ചതിന് ശേഷമാണ് ഇങ്ങോട്ട് വരുന്നത്.”

 

അതുവരെ മിണ്ടാതിരുന്ന ഉണ്ണി പറഞ്ഞു.

 

“ഭയത്തോടെ ചുറ്റും നോക്കി പ്രവീണ വിഷ്ണുവിന്റെ അരികിലേക്ക് നീങ്ങിയിരുന്നു.

അതുപോലെ മറ്റുള്ളവരും.”

 

“ഭയക്കേണ്ട കുട്ടികളെ.

അവർ നിങ്ങളെ ആരെയും ഉപദ്രവിക്കില്ല.”

 

“മഹാദേവാ ഇപ്പോൾ ഞാൻ മടങ്ങി പോകുന്നു.

പോലീസ് വന്നു അവരുടെ നടപടിക്രമങ്ങളൊക്കെ കഴിഞ്ഞതിനു ശേഷം നിങ്ങൾ എന്റെ അടുത്തേക്ക് വരണം.

ഇനി എന്തുവേണമെന്ന് അപ്പോൾ പറയാം.”

 

“അത്രയും പറഞ്ഞ് അദ്ദേഹം ഉണ്ണിയേയും കൂട്ടി തിരികെ കാവിലൂടെ കടന്ന് കാറിൽ കയറി തിരിച്ചു പോയി.”