ദക്ഷാർജ്ജുനം 15 [Smera lakshmi] 133

“പോലീസോ….വിഷ്ണുവേട്ടനെ അറസ്റ്റ് ചെയ്യാനോ”

 

ലച്ചുവിനാകെ ഭയം തോന്നി.

 

അമ്മേ….ഏട്ടത്തി….

 

ലച്ചു അകത്തേക്ക് നോക്കി ഉറക്കെ വിളിച്ചു.

 

എന്തിനാ ലച്ചു ഇങ്ങനെ വിളിച്ചു കൂവുന്നത്?

 

വസുന്ധര പുറത്തേക്ക് വന്നുകൊണ്ടു ചോദിച്ചു.

 

“അമ്മേ….പോലീസ്….വിഷ്ണുവേട്ടനെ അറസ്റ്റ് ചെയ്യാൻ വന്നതാണത്രെ.”

 

അതും പറഞ്ഞ് ലച്ചു കരയാൻ തുടങ്ങി.

 

“അറസ്റ്റ് ചെയ്യാനോ?വിഷ്ണുവിനേയോ?എന്തിന്….”

 

വസുന്ധര വേഗം പുറത്തേക്കിറങ്ങി.

 

എന്താ സർ കാര്യം?

 

അവർ ചോദിച്ചു.

 

അയാൾക്കടുത്തേക്ക് ചെന്ന വസുന്ധര ആ മുഖത്തേക്ക് സൂക്ഷിച്ചു നോക്കി.

 

ഈ മുഖം എവിടെയോ കണ്ടിട്ടുണ്ടല്ലോ?

 

അവർ മനസ്സിലോർത്തു.

 

പിന്നെ അദ്ദേഹത്തെ അകത്തേക്ക് ക്ഷണിച്ചു.

 

പ്രവീൺ അകത്തേക്ക് കയറിയിരുന്നു.

 

എന്താ സർ കാര്യം?

 

വസുന്ധര വീണ്ടും തന്റെ ചോദ്യം ആവർത്തിച്ചു.

 

ഇവിടെ നിങ്ങൾ മാത്രമേ ഉള്ളോ….വേറെ ആരും ഇല്ലേ?