ദക്ഷാർജ്ജുനം 15 [Smera lakshmi] 133

കൊണ്ടുപോയി മുത്തശ്ശ….

 

“എങ്കിലും അയാൾ എങ്ങനെയാ ആയില്യംക്കാവിൽ എത്തിയത്.

അവിടെ നിന്നും ഒരു ശബ്ദം പോലും ഞങ്ങളാരും കേട്ടില്ല.”

 

മഹാദേവൻ ആകുലതയോടെ ചോദിച്ചു.

 

“മഹാദേവാ….അവനെ കാവിലെത്തിക്കാനാണോ ദക്ഷയ്ക്ക് പ്രയാസം.

അവൾക്ക് എല്ലാം കഴിയും.

കൂടെ അർജ്ജുനനും ഇല്ലേ?”

 

ഇനി എന്തുചെയ്യും മുത്തശ്ശ….എന്തെങ്കിലും പ്രശ്നം ഉണ്ടാവോ?

 

വിഷ്ണു ചോദിച്ചു.

 

“പ്രശ്നങ്ങൾ തുടങ്ങി കഴിഞ്ഞില്ലേ വിഷ്ണു.

ഇന്ന് അവൾ എന്നെ പോലും എതിരിടാൻ വളർന്നിരിക്കുന്നു.”

 

വേദവർമ്മൻ പറഞ്ഞത് കേട്ട് അതുവരെ മിണ്ടാതിരുന്ന വസുന്ധര അമ്പരന്നു.

 

“മുത്തശ്ശനെയും ദക്ഷ ഉപദ്രവിക്കാൻ നോക്കിയോ….ഇല്ല മുത്തശ്ശ ദക്ഷയ്ക്ക് അതിന് കഴിയില്ല.”

 

വസുന്ധര പറഞ്ഞു.

 

“വസൂ….മോളേ….ഞാനും അനന്തനും ചേർന്ന് അന്ന് ബന്ധിച്ച ദക്ഷ അല്ല ഇപ്പോഴുള്ളത്.”