ദക്ഷാർജ്ജുനം 15 [Smera lakshmi] 133

“അച്ഛാ….!”

ആനന്ദ് ശബ്‌ദിച്ചു…

 

ഒരുനിമിഷം മറുതലക്കൽ നിശബ്ദത നിറഞ്ഞു.

 

ഉം…

ആനന്ദേ..സ്റ്റേഷനിലേക്ക് ഞാൻ വിളിച്ചു പറഞ്ഞിട്ടുണ്ട്.

 

“പോലീസ് അവിടെ വരും അവർക്ക് നരേന്ദ്രൻ കിടന്നിരുന്ന റൂം കാണിച്ചു കൊടുക്കണം.

അമ്മയോട് സങ്കടപ്പെടേണ്ട എന്ന് പറയൂ.”

 

ശേഖരൻ പറഞ്ഞു.

 

ശരി 

ബാംഗ്ലൂർക്ക് വിളിക്കേണ്ടേ?

 

ആനന്ദ് ചോദിച്ചു.

 

“അതെല്ലാം ഞാൻ  വിളിച്ചു പറഞ്ഞിട്ടുണ്ട്.

പോസ്റ്റുമോർട്ടം കഴിഞ്ഞ് ബോഡി കൊണ്ടു പോകുമ്പോൾ നീയും കൂടെ  പോകണം.

അവിടുത്തെ കാര്യങ്ങളെല്ലാം വേണ്ടവിധം കൈകാര്യം ചെയ്യണം  കേട്ടോ.”

 

“ഞാൻ അവിടെ ഇല്ലാത്തതല്ലേ അവന്റെ ബന്ധുക്കൾക്ക് അതിന്റെ ഒരു കുറവ് തോന്നിപ്പിക്കരുത്.

എത്രയും വേഗം ഞാൻ വരാൻ നോക്കാം.”

 

അതും പറഞ്ഞ് ശേഖരൻ ഫോൺ വച്ചു.