താമര മോതിരം – ഭാഗം -16- ഡ്രാഗൺ 388

കണ്ണുകൾ നിറഞ്ഞു അവന്റെ – തനിക്കു അവനെ സഹായിക്കാൻ സാധിക്കുന്നില്ലലോ എന്നാലോചിച്ചപ്പോൾ അവന്റെ സങ്കടത്തിന്റെ കാഠിന്യം കൂടി – തലകറങ്ങും പോലെ തോന്നി സഞ്ജുവിന്

ഒരു വിധം അവിടെ പിടിച്ചു മുറിയിലെ കട്ടിലിലേക്കവാൻ ഇരുന്നു – ശേഷം അവിടെ കിടന്നു

മനസ് വല്ലാതെ പിടയ്ക്കുന്നുണ്ട്- എന്തോ  ഒരാപത് വരുന്നു- എന്ന് മാത്രം തോന്നി സഞ്ജുവിന് – കണ്ണുകൾ അടഞ്ഞു ഒരു മോഹാലസ്യത്തിലേക്കു വഴുതി വീണു സഞ്ജു

അപ്പോഴേക്കും കണ്ണൻ എത്താറായിരുന്നു

മനസ്സിൽ പേടി ഉണ്ടെങ്കിലും എന്തോ തനിക്കു അവിടെ എന്തോ ഒന്ന് ചെയ്തു തീർക്കാൻ ഉണ്ട് എന്ന് കണ്ണന്റെ മനസ് പറഞ്ഞു കൊണ്ടേ ഇരുന്നു.

അത് എന്താണെന്നു അറിയാൻ അവന്റെ മനസ് കൂടുതൽ വെമ്പൽ കൊണ്ടു – ആ വെമ്പൽ അവന്റെ മനസിനെ കൂടുതൽ ദൃഡമാക്കി അപ്പോൾ അവിടെ ഭയത്തിനു സ്ഥാനം ഇല്ലായിരുന്നു.

കണ്ണൻ നടന്നു മുന്നോട്ടു – അവന്റെ കണ്ണിൽ കാവിലെ വലിയ മരങ്ങളും മറ്റും കാണുവാൻ തുടങ്ങി

അതുവരെ അവൻ സംഭരിച്ചു വച്ചിരുന്ന ധൈര്യം ചോർന്ന് ഉപകുന്നത് അവനു അറിയാൻ സാധിക്കുന്നുണ്ടായിരുന്നു

അത് വരെ തിരിഞ്ഞു നോക്കാതെ നടന്ന കണ്ണൻ അറിയാതെ എന്നോണം തിരിഞ്ഞു നോക്കി, കൂടെ ചുറ്റും നോക്കി

അവിടോണന്നും ആരും ഇല്ലെന്നു ഉറപ്പിച്ചു മനസിന് കൂടുതൽ ധൈര്യം പകർന്നു കൊണ്ടേ ഇരുന്നു

നടന്നു നടന്നു അമ്പലത്തിന്റെ അടുക്കലേക്കു എത്തി – കാവിന്റെ ഉള്ളിൽ കയറുന്നതിനു മുന്നേ കറുപ്പന്റെ പർണശാലയിലേക്കു തിരിഞ്ഞു നോക്കി – കാരണം സാധാരണ അവിടെ കറുപ്പനും കൂട്ടാളികളും ഉണ്ടാകുന്നത് ആണ്

ഇപ്പൊ കറുപ്പൻ തറവാട്ടിൽ ഉണ്ട് – കൂട്ടാളികളെ അവിടെ കാണാനും ഇല്ല – പർണശാലയുടെ ഉള്ളിൽ വിലക്ക് കത്തിച്ചു വച്ചിട്ടുണ്ടെകിലും അവിടൊന്നും ആരും ഇല്ലായിരുന്നു.