താമര മോതിരം – ഭാഗം -16- ഡ്രാഗൺ 388

സഞ്ജു അടുത്തക്കു ചെന്ന് കണ്ണനെ വിളിച്ചു

കണ്ണാ ‘ കണ്ണാ ‘.……………. അവിടെ നിന്നും യാതൊരു മറുപടി ഇല്ലന്നു മാത്രമല്ല – ഇപ്പോഴും എന്തോ സംസാരിച്ചു കൊണ്ടാണ് നടക്കുന്നത്

അടുക്കലേക്കു പോയ സഞ്ജു കണ്ണന്റെ സംസാരം കേൾക്കാൻ തുടങ്ങി

*ശിവം ശിവകരം ശാന്തം
ശിവാത്മാനം ശിവോത്തമം
ശിവമാർഗ്ഗ പ്രണേതാരം
പ്രണതോസ്മി സദാശിവം*

അത് തന്നെ വീണ്ടും വീണ്ടും പറഞ്ഞു കൊണ്ടേ ഇരിക്കുന്നു കണ്ണൻ – നിർത്തുന്നില്ല

തന്റെ വിളി കേട്ടതായി ഭാവിക്കുന്നില്ല

യാന്തികമായി നടന്നു പൂക്കളും ഇലകളും ശേഖരിക്കുന്നു – കണ്ണനും സഞ്ജുവും തൊടിയിൽ നിൽക്കുന്നത് കണ്ടു കൊണ്ടാണ് കറുപ്പനും തിരുമുല്പാടും ജാനകിയും അങ്ങോട്ടേയ്ക്ക് കയറി വന്നത്.

ജാനകി അത്ഭുതത്തോടെ അങ്ങോട്ടേക്ക് നടന്നു –

കാരണം പൂജക്കായി മുണ്ടു ഉടുത്തു വരാൻ പറഞ്ഞപ്പോൾ – ഉടുക്കാൻ അറിയില്ല എന്ന് പറഞ്ഞു ഒഴിയാൻ നോക്കിയാ കണ്ണൻ

ദേ മുണ്ടും മേൽ മുണ്ടും അണിഞ്ഞു നിന്ന് പൂജക്കുള്ള പൂക്കൾ ശേഖരിക്കുന്ന കാഴ്ച

അവർ അടുക്കലേക്കു എത്തിയപ്പോൾ അവരെ കണ്ടു സഞ്ജു പെട്ടെന്ന് വന്നു അവരോടു കാര്യം പറഞ്ഞു

കറുപ്പൻ ചിരിച്ചു കൊണ്ട് – സഞ്ജുവിനോട് അവനെ അവന്റെ വഴിക്കു വിട്ടേക്ക് എന്ന് പറഞ്ഞു – തിരികെ നടന്നു – എല്ലാപേരും

അവരുടെ കൂടെ നടക്കാൻ തുടങ്ങി എങ്കിലും സഞ്ജുവിന് അവനെ അവിടെ ഒറ്റയ്ക്ക് വിട്ടു പോരാൻ തോന്നിയില്ല

അവൻ തിരികെ കണ്ണാ നിൽക്കുന്ന ഇടത്തേക്ക് നടക്കാൻ തുടങ്ങി

സഞ്ജുവിനെ തടയാൻ തുനിഞ്ഞ ജാനകിയെ വിലക്കി കറുപ്പൻ –