താമര മോതിരം – ഭാഗം -16- ഡ്രാഗൺ 388

ചുരുളിയുടെ അടുത്ത് തന്നെ ഉണ്ടായിരുന്നു മനു -ആഹാരം വാങ്ങാൻ  കുറച്ചാളുകൾ ഏർപ്പാടാക്കി –

പിന്നെ കുറച്ചു എന്തെങ്കിലും വീട്ടിൽ തന്നെ ഉണ്ടാക്കാൻ പറഞ്ഞു കുറച്ചു ആളുകളോട് – നല്ല വിധം ആഹാരം പാകം ചെയ്യുന്ന ഒന്ന് രണ്ടു പേര് ഉണ്ടായിരുന്നു.

ചുരുളിക്ക് ഇതിനോട് വലിയ താല്പര്യം ഉണ്ടായിരുന്നില്ല – മനുവിനും

എന്നാൽ ഇപ്പോൾ മനു ഇത് പോലെ ഉള്ള കാര്യങ്ങളിൽ വലിയ താല്പര്യം കാണിക്കുന്നു

വെള്ളമടിക്കുന്നില്ല , നോൺ വെജ് കഴിക്കുന്നില്ല , പിന്നെ എല്ലാ ദിവസവും കുളിച്ചു പ്രാർത്ഥിക്കാനും തുടങ്ങി യിരിക്കുന്നു

ചുരുളി ശ്രദ്ധിക്കുന്നുണ്ടു എങ്കിലും തന്നെ ബാധിക്കാതെ വിഷയം ആയതിനാൽ ഒന്നും പറയുന്നില്ലന്നു മാത്രം –

മാത്രമല്ല ഇപ്പോൾ തന്റെ പല കാര്യങ്ങളും മനുവാണ് ഭംഗിയായി കൈകാര്യം ചെയ്യുന്നത്

ഇവിടെ വാതില് ശേഷം കിട്ടിയ ഒന്ന് രണ്ടു ചെറിയ കൊട്ടേഷൻ ഒക്കെ മനു മറ്റു ചില ആളുകളെ വച്ച് ഭംഗിയായി പൂർത്തിയാക്കി –

കൂടെ ഇവിടെ നിൽക്കുന്ന എല്ലാ പേരെയും അവൻ നല്ലവിധം സന്തോഷത്തോടെ തന്നെ ആണ് നോക്കുന്നത്

കൂട്ടാളികളെ നേരാംവണ്ണം നോക്കിയാൽ മാത്രമേ അവർ കൂടെ നിൽക്കുന്നുണ്ടാകു – അല്ലെങ്കിൽ മറ്റു നല്ല ഓഫറുകൾ വരുമ്പോൾ അവർ പോകും,

മനു നോക്കാൻ തുടങ്ങിയതിൽ പിന്നെ തനിക്കു ഈ വിധ കാര്യങ്ങളിലേക്ക് നോക്കേണ്ടി വന്നിട്ടില്ല എന്ന് മാത്രമല്ല താൻ നോക്കിയതിനേക്കാൾ അവൻ നന്നയി ചെയ്യുന്നുണ്ട്

ചുരുളി മനുവിനെ വിളിച്ചു

ഡാ വൈകുന്നേരത്തേക്കു കുപ്പി ഉണ്ടോ ?

മനു :- ഉണ്ട് ചേട്ടാ , മൂന്നു നാലെണ്ണം ഉണ്ട് – പിന്നെ വിൽസൺ ചേട്ടനും ബാബുവിനും വാറ്റു വേണമെന്ന് പറഞ്ഞു ഇന്നലെ –

അതൊന്നു വാങ്ങാൻ വിട്ടിരിക്കുന്നു കൂടെ അടുക്കളയിലേക്കു കുറച്ചു സാധനങ്ങളും

ബാബുവും വിൽസനും അവിടെ തന്നെ ഉണ്ടായിരുന്നു –

മനു പോയതിനു ശേഷം ബാബു ചുരുളിയോട് പറഞ്ഞു

ഇന്നലെ അടിച്ചു മൂത്തപ്പോൾ –

ഇതിനു ഒരു സുഖമില്ല നല്ല നാടൻ വാറ്റു ആയിരുന്നെങ്കിൽ കൊള്ളാമായിരുന്നു എന്ന് പറഞ്ഞതെ ഉള്ളു

മനു അത് ഒപ്പിക്കാൻ ചെയ്യാൻ നോക്കുന്നു ഇവാൻ ആള് കൊല്ലം കേട്ടോ ചുരുളി ……..

ചുരുളി ചിരിച്ച കൊണ്ട് പറഞ്ഞു അതാണ് എന്റെ ചെക്കൻ “മനു”

എല്ലാപേരും അത് കേട്ട് ചിരിച്ചു

അടുക്കളയിലേക്കു പോയ മനു – അവിടെ ഉണക്കി കൊണ്ടിരുന്ന കറികളൊക്കെ രുചി നോക്കി , കൃത്യമായ പാകങ്ങൾ പറഞ്ഞു കൊടുത്തു –

ശെരിക്കും പാചകം ചെയ്യുന്നവർ അന്തം വിട്ടു നിൽക്കുകയാണ് – പണ്ട് കഴിക്കാൻ സമയത്തു വന്നു കയ്യിൽ കിട്ടുന്നതൊക്കെ കഴിച്ചു കുറ്റവും പറഞ്ഞു എണിറ്റു പോയിരുന്ന പയ്യൻ ആണ് ഇപ്പൊ ഇങ്ങനെ സഹായിക്കുന്നത് – ഓരോ മാറ്റങ്ങൾ

പെട്ടെന്ന് മനു എന്തോ ആലോചിച്ചു പുറത്തേക്കു വേഗത്തിൽ പോയി , ഗേറ്റിന്റെ അടുക്കൽ വരെ എത്തിയ മനു അവിടെ നിന്നിരുന്ന അവന്റെ ആളുകളോട് പറഞ്ഞു – ഇപ്പൊ ആരെങ്കിലും ഇത് വഴി പോയിരുന്നോ

രണ്ടു പോലീസുകാരും ചുരുളിയുടെ രണ്ടു ആൾക്കാരും ഇപ്പോഴും അവിടെ ഉണ്ടായിരുന്നു , യൂണിഫോമിൽ അല്ലാത്ത പോലീസുകാർ ആയതിനാൽ ആർക്കും സംശയവും ഉണ്ടായിരുന്നില്ല