താമര മോതിരം – ഭാഗം -16- ഡ്രാഗൺ 388

അതേസമയം കണ്ണന്റെ വീട്ടിൽ കറുപ്പനും ജാനകിയും ദേവുവും കൂടി സഞ്ജുവിനെ കണ്ണന്റെ മുറിയിൽ തറയിൽ നിന്നും കട്ടിലിലേക്ക് കിടത്തി –

മുഖത്ത് ജലം തളിച്ചു അവനെ സ്വബോധത്തിലേക്കു കൊണ്ട് വന്നിരുന്നുകണ്ണൻ പോയപ്പോൾ അകത്തേക്ക് കയറി പോയിരുന്നു സഞ്ജു –

ബാക്കിയുള്ളവർ കറുപ്പനും ജാനകിയും തിരുമുല്പാടും പുറത്തെ മാവിൻ ചുവട്ടിലും ദേവുവും അമ്മയും വാസന്തിയും അടുക്കളയിലും ആയിരുന്നു

അപ്പോഴാണ് ഉച്ചത്തിൽ ഉള്ള ഒരു കരച്ചിൽ കേട്ടത് അവർ – ജീവൻ പോകുന്ന തരത്തിൽ ആരോ ഉച്ചത്തിൽ നിലവിളിക്കുന്നുണ്ടായിരുന്നു -അത് മുകളിലെ കണ്ണന്റെ മുറിയിൽ നിന്നും ആണ് കേട്ടത്

ഉടൻ തന്നെ കറുപ്പനും ജാനകിയും മുകളിലേക്ക് പാഞ്ഞു പോയി – അപ്പോഴേക്കും ദേവുവും അവിടേക്കു എത്തിയിരുന്നു.

അമ്മയും തിരുമുപാടും മുറിയിലേക്ക് നടന്നു എത്തിയപ്പോഴും കട്ടിലിൽ നിന്നും തറയിൽ വീണു കിടന്നു ഉറക്കത്തിൽ എന്നപോലെ ഉറക്കെ നിലവിളിക്കുന്ന സഞ്ജുവിനെ അവർ കട്ടിലിലേക്ക് എടുത്തു കിടത്തിയിരുന്നു .

ഇപ്പോൾ ജലത്തിൽ മുങ്ങി എണിറ്റു എന്നപോലെ അവന്റെ ശരീരം മുഴുവൻ വിയർത്തു കുളിച്ചിരുന്നു.

അവിടെ മേശമേൽ വച്ചിരുന്ന ജലം എടുത്തു അവന്റെ മുഖത്തേക്ക് തളിച്ചു – അവനെ കുലുക്കി വിളിച്ചു കറുപ്പൻ.

അവൻ സ്വബോധത്തിലേക്കു വന്നെങ്കിലും കണ്ണുകൾ തുറന്നില്ലായിരുന്നു – കൂടെ കരയുന്നുണ്ടായിരുന്നു –

കറുപ്പൻ കഴുത്തിൽ കിടന്ന മാലയിൽ മുറുകെ പിടിച്ചു കണ്ണുകൾ അടച്ചു എന്തോ പ്രാർത്ഥിച്ചു – പിന്നെ കണ്ണ് തുറന്നു – കയ്യിൽ അല്പം ജലം എടുത്തു സഞ്ജുവിന്റെ മുഖത്തേക്ക് ശക്തിയിൽ കുടഞ്ഞു

സ്വിച്ച് ഇട്ടതു പോലെ സഞ്ജു നിശബ്ദൻ ആയി – പിന്നെ കുറച്ചു നേരം കഴിഞ്ഞു ഉറക്കത്തിൽ നിന്നെന്നപോലെ കണ്ണുകൾ തുറന്നു ചുറ്റും നോക്കി.

തന്റെ ചുറ്റും നിൽക്കുന്നവരെ അവനു കാണുവാൻ സാധിക്കുന്നുണ്ടായിരുന്നില്ല – കരയുന്നില്ല എങ്കിലും അവന്റെ കണ്ണുകൾ നിറഞ്ഞു ഒഴുകുന്നുണ്ടായിരുന്നു