താമര മോതിരം – ഭാഗം -16- ഡ്രാഗൺ 388

സഞ്ജു തിരികെ നടന്നു കണ്ണന്റെ അടുക്കൽ എത്തി – കണ്ണന്റെ തൊട്ടു പുറകിൽ വന്നു – അവനെ വിളിച്ചു

കണ്ണാ ………………….. അപ്പോൾ കണ്ണൻ തിരിഞ്ഞു നോക്കി – ഒന്ന് ചിരിച്ചു – പക്ഷെ അവൻ സംസാരം നിർത്തിയില്ല

*ശിവം ശിവകരം ശാന്തം
ശിവാത്മാനം ശിവോത്തമം
ശിവമാർഗ്ഗ പ്രണേതാരം
പ്രണതോസ്മി സദാശിവം*

എന്ന മന്ത്രം തുടർന്ന് കൊണ്ടേ ഇരുന്നു – ഇപ്പോൾ അല്പം കൂടി ഉച്ചത്തിൽ –

സഞ്ജു അത് കേട്ട് അവനെ നോക്കി തിരികെ പുഞ്ചിരിച്ചു.

അവന്റെ കയ്യിൽ നിന്നും പൂക്കൂട വാങ്ങി വച്ച് അവന്റെ ഒപ്പം നടക്കാൻ തുടങ്ങി

കണ്ണനെ പോലെ യാന്ത്രികമായി തന്നെ ……….

കുറച്ചു നേരത്തിനു ശേഷം ആ പൂക്കുട പൂക്കൾ കൊണ്ടും ഇലകൾ കൊണ്ടും നിറഞ്ഞപ്പോൾ കണ്ണൻ ഒന്നു നിന്നു – പിന്നെ ചുറ്റും നോക്കി

സഞ്ജുവിനെയും സഞ്ജുവിന്റെ കയ്യിലെ പൂക്കുടയെയും മാറി മാറി നോക്കി പിന്നെ ചുറ്റും നോക്കി കൂടെ തന്റെ വസ്ത്രത്തിലും നോക്കിയാ കണ്ണൻ വിശ്വസിക്കാൻ ആകാതെ കണ്ണ് മിഴിച്ചു നിന്നു അവിടെ.

ഇടക്കിടയ്ക്ക് താൻ സ്വപ്നം കാണുന്നതാണോ എന്ന് അറിയാൻ രണ്ടു മൂന്നു വട്ടം സ്വന്തം കവിളിൽ ആഞ്ഞടിച്ചു കണ്ണൻ .

സഞ്ജുവിന് യാതൊന്നും മനസിലായില്ല അവൻ കണ്ണനെ കയ്യിൽ കയറി പിടിച്ചു – പിന്നെ പറഞ്ഞു എന്താ കണ്ണാ ഈ കാണിക്കുന്നത്.

കണ്ണൻ :- ഇനിക്കൊന്നും മനസിലാകുന്നില്ല സഞ്ജു ,

ഞാൻ എങ്ങനെ ഇവിടെത്തി,?

എന്നെ ഈ മുണ്ടു ഉടുപ്പിച്ചതു, എന്തിനാ ?

നീ ഈ പൂക്കളൊക്കെ പറിക്കുന്നതു എന്തിനാ ? –

എന്നി ചോദ്യങ്ങൾ ചോദിച്ചു

സഞ്ജു ചിരിച്ചു കൊണ്ട് പറഞ്ഞു – ഓ എല്ലാം ഞാൻ ആണെടാ ചെയ്തത് , ഒറ്റയ്ക്ക് നിന്ന് പൂ പറിക്കുന്നതു കണ്ടു സഹായിക്കാൻ വന്ന ഞാൻ ഇപ്പൊ കുറ്റക്കാരൻ ആയി അല്ലെ?

കണ്ണൻ ഒന്നും മനസിലാകാതെ നിൽക്കുന്നത് കണ്ടു സഞ്ജു അവനെ വിളിച്ചു കൊണ്ട് വീട്ടിലേക്കു പോകാൻ തുടങ്ങി ,

കണ്ണൻ ഒന്നും മനസിലാകാത്തത് പോലെ അകത്തേക്ക് നടക്കാൻ തുടങ്ങി