താമര മോതിരം – ഭാഗം -16- ഡ്രാഗൺ 388

ആ പക്ഷി വന്നിരുന്ന ഭാരത്താൽ ആണ് ആ കൊമ്പു ഒടിഞ്ഞത്.

കണ്ണാ ഇതൊന്നും അറിയാതെ – തന്റെ ഓരോ പ്രവർത്തിയും മറ്റൊരാൾ അറിയുന്നു എന്നറിയാതെ മുന്നോട്ടേക്കുനടന്നു കാവിനുള്ളിലെ അമ്പലത്തിന്റെ അടുക്കൽ എത്തി

കയ്യിലുള്ള പൂക്കൂട അവിടെ തറയിൽ വച്ച്

ആ അമ്പലത്തിന്റെ വാതിൽ തുറന്നു – അകത്തുണ്ടായിരുന്ന വിളക്കുകൾ എടുത്തു – കിണ്ടിയും തട്ടവും എടുത്തു കൂടെ വശത്തു വച്ചിരുന്ന ഒരു ചെറിയ തോട്ടിയും എടുത്തു കുളത്തിന്റെ കരയിലേക്ക് നടക്കാൻ തുടങ്ങി

പൂജയെ കുറിച്ച് ആലോചിക്കുമ്പോൾ കണ്ണൻ പേടിച്ചിരുന്നു ഒരേ ഒരു കാര്യം ഒറ്റയ്ക്ക് ഈ കുളത്തിന്റെ കരയിലേക്ക് വരുന്ന കാര്യം മാത്രം ആയിരുന്നു.

സഞ്ജുവിന്റെ ആക്രമിച്ച ആ ഭീകരജീവിയെ കണ്ടതും കണ്ണൻ ആണല്ലോ –

പിന്നെ കഴിഞ്ഞ തവണ കണ്ട കാര്യങ്ങൾ ആലോചിച്ചപ്പോൾ കണ്ണന്റെ കാൽ മുട്ടുകൾ കൂട്ടി മുട്ടാൻ തുടങ്ങി.

തല താഴ്ത്തി കുളത്തിന്റെ കരയിലേക്ക് നടക്കുന്ന കണ്ണൻ – ചുറ്റും ഇരുട്ടു വ്യാപിച്ചു കൊണ്ടേ ഇരിക്കുന്നു

അകത്തേക്ക് കയറിയപ്പോൾ ഇടതൂർന്ന മരങ്ങളുടെ ഇടയിൽ കൂടി കിട്ടുന്ന പ്രകാശവും കുറഞ്ഞിരിക്കുന്നു.

കുളത്തിന്റെ നേർ മുകൾ ഭാഗത്തു മരങ്ങൾ ഇല്ലാതിരുന്നതിനാൽ ആ ഭാഗത്തു ചെറിയ വെളിച്ചം അടിക്കുന്നുണ്ട് –

അത് കണ്ണന് വലിയ ആശ്വാസം ഉണ്ടാക്കി – ഏറെയും പെട്ടെന്ന് വെള്ളം ശേഖരിച്ചു വിളക്കുകൾ കഴുകി എടുത്തു അവിടെ നിന്നും പോകണം എന്ന് കണക്കു കൂട്ടി കണ്ണൻ പെട്ടെന്ന് തന്നെ വെള്ളത്തിൽ ഇറങ്ങാതെ പടവിൽ ഇരുന്നു കൊണ്ട് വിളക്കുകൾ കഴുകി എടുത്തു – കൂടെ കിണ്ടിയിൽ ജലം നിറച്ചു –

പിന്നെ തട്ടങ്ങളും കഴുകി എടുത്തു

കയ്യിൽ ഉണ്ടായിരുന്ന തൊട്ടിയിൽ ജലം നിറയ്ക്കാനായി കുളത്തിലേക്കു താഴ്ത്തി

ജലം നിറഞ്ഞു കഴിഞ്ഞപ്പോൾ വലിച്ചെടുക്കാൻ തുടങ്ങിയ കണ്ണന് അതിൽ അസാധാരമായ ഭാരം അനുഭവപെട്ടു.

ശെരിക്കും ഭയന്ന് പോയ കണ്ണൻ തൊട്ടി കൂടുതൽ ശക്തിയിൽ വലിച്ചു

എന്നാൽ ഒരു പരിധിയിയ്ക്ക് ഇപ്പുറത്തേക്കു ആ തൊട്ടി വരുന്നുണ്ടായിരുന്നില്ല.