ഡെറിക് എബ്രഹാം 18 [അഹമ്മദ് ശഫീഖ് ചെറുകുന്ന്] 227

“ഇങ്ങനെയൊക്കെ ചെയ്തത് കൊണ്ട് മാത്രം എന്തെങ്കിലും കാര്യമുണ്ടാകുമെന്ന് നിനക്ക് തോന്നുന്നുണ്ടോ ഡെറിക്….? ”

 

“അങ്ങനെ ഉറപ്പ് പറയാൻ പറ്റില്ല…

എന്നാലും ഒരു ശ്രമമാണ്…

നമ്മുടെ ഈ ഓപ്പറേഷൻ പോലും അങ്ങനെയൊരു ശ്രമമായിരുന്നില്ലേ….? ”

 

“താൻ തന്നെയല്ലേ പറഞ്ഞത് , ഏത് ഓപ്പറേഷനിലായാലും ഒരു തെളിവ് പോലും ബാക്കി വെക്കാത്ത ആളാണ് സ്റ്റീഫനെന്ന്….

അങ്ങനെയുള്ള ഒരാളെ ഈ പ്ലാൻ കൊണ്ട് , കണ്ടു പിടിക്കാൻ പറ്റുമെന്ന് നിനക്ക് തോന്നുന്നുണ്ടോ..?

എനിക്ക് തീരെ വിശ്വാസമില്ല… ”

 

“താങ്കൾ പറഞ്ഞത് ശരിയാണ് സാർ…

നമ്മൾ എത്ര ഓപ്പറേഷൻ പൊളിച്ചു കൈയിൽ കൊടുത്താലും സ്റ്റീഫന്റെയടുത്ത് എത്താനുള്ള ഒന്നും അവൻ ബാക്കി വെച്ചിട്ടുണ്ടാവില്ല…

ആ കാര്യം എന്നേക്കാൾ നന്നായിട്ട് വേറെയാർക്കും അറിയില്ല…”

 

“എന്നിട്ടുമെന്തിനാണ് ഡെറിക് ഇങ്ങനെയൊക്കെ വയ്യാവേലി പിടിക്കുന്നത്…? ”

 

“സാർ…ക്ഷമിക്ക്….

ഞാനിനിയും പറഞ്ഞു കഴിഞ്ഞില്ല…”

 

“എന്നാൽ പറയൂ…”

 

“അവനെ പിടികൂടാൻ കഴിയില്ല എന്നല്ലേ ഞാൻ പറഞ്ഞുള്ളൂ….

അതൊന്ന് നേരെ തിരിച്ചു ചിന്തിച്ചു നോക്കിയേ…”

 

“എങ്ങനെ….? ”

 

“നമ്മളവനെ പിടിക്കേണ്ട…

അവൻ നമ്മളെ തേടി വരണം….

വരും…

അതായത് അവന്റെ ഓരോ ഓപ്പറേഷനുകളും തകർക്കുന്ന ഡെറിക് എബ്രഹാം