ഡെറിക് എബ്രഹാം 15 [അഹമ്മദ് ശഫീഖ് ചെറുകുന്ന്] 174

അവൻ അവരുടെ തോളിൽ പിടിച്ചു എഴുന്നേൽപ്പിക്കാൻ ശ്രമിച്ചു…സാധിക്കുന്നുണ്ടായിരുന്നില്ല…

കാലിലെ പിടുത്തം മുറുകെയാക്കി എന്നല്ലാതെ വിടുന്ന ലക്ഷണമൊന്നും കണ്ടില്ല….

“എന്റെ കുഞ്ഞിനെ രക്ഷിക്കണം… അവളില്ലാതെ ഞങ്ങൾക്ക് ജീവിക്കാനാവില്ല….

ആണും പെണ്ണുമായിട്ട് ആകെ ഒന്നേയുള്ളൂ…

പകരം ഞങ്ങളുടെ ജീവൻ തരാം…

സ്വന്തം മകനോടെന്നത് പോലെ യാചിക്കുകയാണ് ഈ അമ്മ….

എന്റെ മോളെ തിരിച്ചു തരണം നീ…”

” സങ്കടപ്പെടേണ്ട അമ്മേ…

അമ്മയുടെ മകളെ ഞങ്ങൾ തിരിച്ചു കൊണ്ട് വരും… ഒരു പോറലുമേൽക്കാതെ…”

“ഇല്ല….നിങ്ങളൊക്കെ വെറുംവാക്ക് പറയുക മാത്രമേ ചെയ്യൂ…..”

“അതൊന്നുമല്ല അമ്മേ…

ആദ്യം അമ്മ എഴുന്നേൽക്ക്…ഞാൻ വിശദമായി പറയാം..”

ആ രംഗം കണ്ടു നിന്നവരുടെയൊക്കെ കണ്ണുകൾ നിറഞ്ഞിട്ടുണ്ടായിരുന്നു….

ആ സ്ത്രീയെ അവൻ പതിയെ അവിടുന്ന് എഴുന്നേൽപ്പിച്ചു….അവർ പെട്ടെന്ന് ക്ഷീണം കൊണ്ട് ഡെറിക്കിന്റെ നെഞ്ചിലേക്ക് വീണു..അത് കണ്ടപ്പോൾ അവരുടെ ഭർത്താവ് ഓടി വരാൻ തുടങ്ങിയെങ്കിലും ഡെറിക് വേണ്ടെന്ന് പറഞ്ഞു….