കൃഷ്ണപുരം ദേശം 8[Nelson?] 937

ചെമ്പ്രശ്ശേരി തറവാട്ട്

(സന്ധ്യാസമയം)

ബാലചന്ദ്രൻ: “ഇന്നിനി എന്തു മല മറിക്കുന്ന കാര്യമാണെങ്കിലും ഈ വീട്ടിന്റെ പടി നീ ഇറങ്ങരുത്…….”

മാധവൻ: “നീ എന്താ ചന്ദ്രാ ഈ പറയുന്നത്…….. ഇന്ന് അവൻ അമ്പലത്തിൽ വന്നില്ലെങ്കിൽ ഈ ദേശത്തിന് നാണക്കേടാണ്……..”

ബാലചന്ദ്രൻ: “നാണക്കേട് വന്നൂന് കരുതി ഇവിടെ ഒന്നും സംഭവിക്കാൻ പോണില്ല…….. ഇവനെന്തെങ്കിലും പറ്റിയാൽ അച്ചനൊന്നു ആലോച്ചിച്ച് നോക്ക്…….. നഷ്ടം ഈ ദേശത്തിനല്ല…….”

രാമനാഥൻ: “എനിക്ക് എന്ത് പറ്റാനാണ് അച്ചാ……..”

ബാലചന്ദ്രൻ: “എന്റെ രാമാ…….. ഈ കാര്യത്തിലെങ്കിലും നീ എന്നെയും നിന്റെ അമ്മയും ഒന്നു അനുസരിക്ക്…….. ഇത്രക്കാലം നിന്റെ അച്ചച്ചൻ പറഞ്ഞത് അനുസരിച്ച് നടന്നതല്ലേ…….”

ചന്ദ്രൻ രാമനാഥനെ ദയനീയമായി നോക്കി………

രാമനാഥൻ: ” അച്ചാ ഞാൻ ആദ്യമായിട്ടൊന്നുമലല്ലോ അവരോട് തലുണ്ടാക്കുന്നത്…….. ഇത്രക്കാലമായി എനിക്ക് എന്തെങ്കിലും സംഭവിച്ചോ…….. പിന്നെ എന്തിനാ അച്ചൻ പേടിക്കണെ…….”

മാധവൻ: “അവൻ പറഞ്ഞതല്ലേ ചന്ദ്രാ ശരി……. അവനെ നോക്കാൻ അവനറിയാം……..”

ബാലചന്ദ്രൻ: “അച്ചൻ ഒന്നുമറിയാത്ത പോലെ സംസാരിക്കരുത്…….. മേലേട്ടത്തുക്കാർ പുറത്ത് നിന്ന് ആളെ ഇക്കുറി ഇറക്കിയത് അച്ചന് അറിയാത്തതൊന്നുമല്ലല്ലോ………”

രാമനാഥൻ: “അവരെ പേടിച്ച് എന്നും ഞാൻ വീട്ടിൽ നിൽക്കണമെന്നാണോ അച്ചൻ പറയുന്നത്…….”

ബാലചന്ദ്രൻ: “ ഇന്ന് രാത്രി ഇറങ്ങണ്ടാ…….. നാളെ കുറച്ച് കളിയാക്കിയാലും ഈ പ്രശ്നം ഇവിടെ അവസാനിച്ചോളും……..”