കൃഷ്ണപുരം ദേശം 8[Nelson?] 938

രാവിലെ കഴിച്ച് കഴിഞ്ഞ് ഉമ്മറത്തേക്കിറങ്ങിയപ്പോഴാണ് ജോർജേട്ടനെ കണ്ടെത്ത്…….. ഞാൻ മൂപ്പർക്ക് ചിരിച്ച് കൊടുത്ത് അടുത്തേക്ക് നടന്നു……..

ജോർജേട്ടൻ: “ ഓട്ടവും ചാട്ടവും കഴിഞ്ഞോ…….”

ഞാൻ: “ കഴിഞ്ഞു…….”

ജോർജേട്ടൻ: “ ഞാൻ തോട്ടത്തിലേക്ക് പോവാനിറങ്ങിയതാ…… തനിക്കിവിടെ പരിപാടിയൊന്നുമില്ലെങ്കിൽ കൂടെ പോര്……”

ഞാൻ: “അതു വേണോ…….”

ജോർജേട്ടൻ: “വാടൊ….. ഇവിടത്തെ നിങ്ങളുടെ സ്ഥലമൊക്കെ കാണാമല്ലോ……”

ജോർജേട്ടൻ അതും പറഞ്ഞ് ബൈക്കിൽ കേറി…….. ഞാൻ ഒന്നു തലയാട്ടി മൂപ്പരുടെ പിറകിലും കേറി……….

കുറച്ച് ദൂരം വണ്ടിയോടിച്ച് എത്തിയത് ഒരു തെങ്ങും തോട്ടത്തിന്റെ മുമ്പിലാണ്…….. അവിടെ ജോർജിനെയും കാത്ത് കൂറച്ച് പണിക്കാരുണ്ടായിരുന്നു……… പരിചയമില്ലാത്ത എന്നെ കണ്ടിട്ട് എന്റെ മുഖത്ത് നോക്കുന്നുണ്ട് ചിലര്…….

ജോർജേട്ടൻ: “ ഇതുവരെ തുടങ്ങിയില്ലേ………”

“ജോർജേട്ടൻ വന്നിട്ട് തുടങ്ങാം എന്നു വെച്ചു………”

ജോർജേട്ടൻ: “ എന്നാ പണി തുടങ്ങിക്കോ……….”

കുറച്ചാളുക്കൾ തെങ്ങിൽ കേറി തേങ്ങയിടാൻ തുടങ്ങി…….. ബാക്കിയുള്ളവർ അതു പൊറുക്കി കൂട്ടാനും……… ഞാൻ അതൊക്കെ നോക്കി അവിടെ കുറച്ച് മാറി ഉണ്ടായിരുന്ന ബെഞ്ചിലിരുന്നു……… കുറച്ച് കഴിഞ്ഞ് ജോർജേട്ടൻ എന്റെ അടുത്ത് വന്നിരുന്നു……….

ജോർജേട്ടൻ: “ ഇവിടെ ഇവരെ നോക്കേണ്ട കാര്യമൊന്നുമില്ല…….. കുറേ ആയി ഇവിടെ പണിക്കുള്ളവരാണ്……….”

ഞാൻ: “ ചേട്ടൻ എത്രക്കാലമായി ഈ പണി തുടങ്ങിയിട്ട്………”

ജോർജേട്ടൻ: “അതിപ്പോ……… എന്റെ അപ്പൻ മരിക്കുമ്പോൾ എനിക്ക് ഇരുപത് കഴിഞ്ഞു…….. അന്നു തുടങ്ങിയതാണ്……. ഇപ്പോൾ അമ്പത്തിരണ്ടായി……..”