ഇവാ, An Angelic Beauty Part 2[മാലാഖയുടെ കാമുകൻ] 1724

അവളെയും കൊല്ലും എന്നായപ്പോൾ അവസാന പ്രതീക്ഷയിൽ ആണ് അവൾ ഭദ്രയുടെ അടുത്ത് എത്തിയത്.. പോലീസിൽ പറഞ്ഞിട്ടും കാര്യമൊന്നും ഉണ്ടായില്ല.

അവൾ ഭദ്രയോട് എല്ലാ കാര്യവും പറഞ്ഞു.. അവളുടെ കാര്യങ്ങൾ എല്ലാം കേട്ടതിന് ശേഷം ഭദ്ര ആലോചിക്കട്ടെ എന്ന് പറഞ്ഞു അവളെ വിട്ടു.. അവൾ പ്രതീക്ഷയോടെ ആണ് പോയത്.

അന്ന് വൈകുന്നേരം ഒരു ജീപ്പ് വന്നു ഇവരുടെ വീട്ടിൽ നിന്നു..

അതിൽ നിന്നും നാലുപേർ ഇറങ്ങി..

“ഭദ്ര..?”

പുറത്ത് നിന്ന റോക്കിനോട് അത് ചോദിച്ച ഉടനെ ഭദ്ര അകത്തുനിന്നും വന്നു..

“ആരാണ്…?”

അവൾ ചോദിച്ചതും അവർ അവളെ അടിമുടി ഒന്ന് നോക്കി..

“ഇന്ന് ഇവിടെ ഒരു പെൺകുട്ടി വന്നില്ലേ? ജാനറ്റ്? അവളുടെ അച്ഛന്റെ മരണത്തിന്റെ കേസ് ഏൽപ്പിക്കാൻ..?”

അതിൽ ഒരാൾ ചോദിച്ചപ്പോൾ ഭദ്ര പുരികം പൊക്കി അയാളെ നോക്കി..

“വന്ന കാര്യം പറയുക…”

അവൾ ഉടനെ മറുപടി കൊടുത്തു.

“ഓക്കേ.. കുട്ടി.. നീ ചെറുപ്പം ആണ്.. തൊട്ടാൽ പൊട്ടുന്ന പ്രായം.. നിന്റെ അനിയനും ചെറുതാണ്.. ഈ കേസ് എടുത്താൽ മോളുടെ ജീവൻ പോലും ബാക്കി ഉണ്ടാകില്ല..

കളിക്കുന്നത് ആരോടാണെന്നു ആ കുട്ടിക്ക് അറിയില്ല.. ഉടനെ തന്നെ അവളെയും മരിച്ച നിലയിൽ നിനക്ക് കാണാം. ചവച്ചു തുപ്പിയ നിലയിൽ.. ഇത് പറയാൻ ആണ് വന്നത്. ആ കേസ് എടുക്കരുത്.. എടുത്താൽ അവളുടെ കാര്യം കഴിഞ്ഞു നിന്നെയാകും ഞങ്ങൾ പൊക്കുക.. അതുകൊണ്ടു മോൾ ഉള്ള ലൈഫ് നശിപ്പിക്കാതെ വല്ല സിവിൽ കേസുകളും മാത്രം എടുത്തു ജീവിക്കാൻ നോക്ക്..”

അത്രയും പറഞ്ഞു അവർ പുറത്തേക്ക് ഇറങ്ങി.. ജീപ്പ് അകന്നു പോയപ്പോൾ അവൾ വേഗം ഫോൺ എടുത്തു എസിപി മേഘയെ വിളിച്ചു..