ഇവാ, An Angelic Beauty Part 2[മാലാഖയുടെ കാമുകൻ] 1717

അവൾ അതും പറഞ്ഞു തിരിഞ്ഞു നടന്നപ്പോൾ അവളുടെ കണ്ണിൽ കണ്ട അഗ്നിയിൽ അവൾ പറഞ്ഞതിന്റെ അർഥം അവന് മനസിലായി.. അവൻ തിരിഞ്ഞു നടന്നു.. നിരാശയോടെ. നാട്ടുകാർ അവളോട് അത് പറഞ്ഞല്ലോ എന്നും അവൻ ആലോചിച്ചു.

മറ്റുള്ളവർ അതുകണ്ടു ചിരിക്കുകയായിരുന്നു.. അവളുടെ പുറകെനടന്ന പലരും ആ കൂട്ടത്തിൽ ഉണ്ടായിരുന്നു.

***
കാലം ആർക്കു വേണ്ടിയും കാത്തു നിന്നില്ല.. വസന്തവും ശിശിരവും മാറി മാറി വന്നു..

റോക്ക് ബിഎ ഇംഗ്ലീഷ് രണ്ടാം വർഷം ആയിരുന്നു.. ഒരു വർഷം ഗാപ് അവന്റെ പഠനത്തിൽ വന്നിരുന്നു. അവൻ ചേച്ചിക്ക് പഠിക്കാൻ സൗകര്യത്തിന് വേണ്ടി മാറി നിന്നത് ഭദ്രക്ക് ഇഷ്ടമായില്ല എങ്കിലും അവന്റെ വാശി ആയിരുന്നു.

റോക്കും ടീച്ചർമാരുടെ പെറ്റ് ആയിരുന്നു. നന്നായി പഠിക്കുകയും ചെയ്യും.. എന്നാൽ ഭദ്രയെപോലെ അല്ലായിരുന്നു അവൻ. അവൻ വെറും പാവം ആയിരുന്നു..

ഫുട്ബോൾ കളിക്കാൻ അവന് ഇഷ്ടമായിരുന്നു.. കോളേജ് ടീമിൽ അവൻ ക്യാപ്റ്റൻ കൂടെ ആയി.. അവന്റെ പുറകെയും ഉണ്ടായിരുന്നു ചില പെൺകുട്ടികൾ.. എന്നാൽ അവന്റെ മനസിലും ജീവിതത്തിലും അവന്റെ ചേച്ചിയെ വക്കീൽ ആക്കുക എന്ന ലക്ഷ്യം മാത്രമേ ഉണ്ടായിരുന്നുള്ളു..

അതിന് വേണ്ടി അവൻ നന്നായി പരിശ്രമിച്ചു.. ഭദ്രക്ക് പഠിക്കാൻ കുറെ ഉള്ളതുകൊണ്ട് കടയുടെ കൂടുതൽ കാര്യവും നോക്കിയത് റോക്ക് ആണ്.. അതിൽ അവൻ പൂർണ വിജയം ആയിരുന്നു..

അവർ “ചേച്ചിയും അനിയനും തട്ട് കട” പുതിയ ഒരു സ്ഥലത്തുകൂടി ഓപ്പൺ ചെയ്തു.. അതും നല്ല വിജയമായി മുന്നേറി..

അവസാനം അവന്റെ ആഗ്രഹപ്രകാരം, കഷ്ടപ്പാടിന്റെയും പരിശ്രമത്തിന്റെയും ഫലം ആയി ഭദ്ര ഒന്നാം റാങ്കോടു കൂടെ എൽഎൽബി പാസ് ആയി..

അവൻ അന്ന് അവന്റെ സേവിങ്ങിൽ നിന്നും മാറ്റി വച്ച പണം ഉപയോഗിച്ചു ചേച്ചിക്ക് ഒരു സ്കൂട്ടി സമ്മാനമായി കൊടുത്തു.