ഇവാ, An Angelic Beauty Part 2[മാലാഖയുടെ കാമുകൻ] 1717

അവൻ ഞെട്ടി തിരിഞ്ഞു നോക്കി.. അവന്റെ നേരെ ചീറി പാഞ്ഞു വരുന്ന ഒരു മഞ്ഞ നിറമുള്ള പോർഷെ സ്പൈഡർ സ്പോർട്സ് കാർ..

അവൻ ചാടി മാറിയപ്പോൾ അവൻ നിന്നിരുന്ന അവിടെ വന്നു ഒരു അലർച്ചയോടെ കാർ ബ്രേക്ക് ചെയ്തു ഒന്ന് ചെരിഞ്ഞു നിന്നു..

അവൻ ദേഷ്യത്തോടെ അതിലേക്ക് നോക്കി.. ചുറ്റും ഉള്ള കുട്ടികളുടെ കണ്ണുകളിൽ ഒരു പേടി വരുന്നതും ചിലർ മെല്ലെ അവിടെ നിന്നും വലിയുന്നതും അവൻ ശ്രദ്ധിച്ചു..

കാറിന്റെ ഡോർ തുറന്ന് ഇറങ്ങിയത് ഒരു പെൺകുട്ടിയാണ്. അതിസുന്ദരി.. ആര് കണ്ടാലും വീണ്ടും നോക്കി നിൽക്കുന്ന സൗന്ദര്യം..

പിക്സി കട്ട്‌ അടിച്ച ഗോൾഡൻ ബ്രൗൺ മുടി.. ബനിയനും ജീൻസും ധരിച്ച ഒതുങ്ങിയ ശരീരം.. അവൾ കാറിന്റെ ഡോർ കാലുകൊണ്ട് തട്ടി അടച്ചു അവനെ ഒന്ന് നോക്കുക പോലും ചെയ്യാതെ മുൻപോട്ട് നടന്നു പോയി..

“ആൻ ആഞ്ചേലിക്‌ ബ്യൂട്ടി….”

അവളെ കണ്ടു അവൻ അറിയാതെ പറഞ്ഞുകൊണ്ട് അവൾ പോയ വഴിയേ നോക്കി നിന്നു…

അവിടം മുതൽ അവന്റെ ജീവിതവും മാറി മറിയാൻ പോകുകയാണ് എന്ന് അവൻ അറിഞ്ഞില്ല..

ഒരുനിമിഷം അവളെ നോക്കി നിന്ന റോക്ക്, എംഎ ലിറ്ററേച്ചർ ക്ലാസ് എവിടെയാണെന്ന് ചോദിച്ചപ്പോൾ ഒരാൾ വഴി പറഞ്ഞു കൊടുത്തു..

അവൻ ക്ലാസ്സുകളുടെ മുൻപിലൂടെ ഉള്ള ഇടനാഴിയിലൂടെ നടന്നപ്പോൾ ആണ് നേരത്തെ കാറിൽ വന്ന പെണ്ണ് അവിടെ നിന്ന് ബാഗ് തുറന്നു എന്തോ എടുക്കുന്നത് കണ്ടത്..

അവൾ ഏതോ ഒരു പുസ്തകം എടുത്തപ്പോൾ അതിൽ നിന്നും എന്തോ ഒരു കട്ടിയുള്ള കടലാസ്സ് പാറി പുറകിലോട്ട് വീണു.. അത് അവൾ കണ്ടില്ല..

ബാഗ് അടച്ച ശേഷം ഫാഷൻ ചാനലിലെ പെണ്ണുങ്ങൾ നടക്കും പോലെ അവൾ സ്പീഡിൽ നടന്നുപോയപ്പോൾ റോക്ക് മുൻപോട്ട് ചെന്ന് ആ പേപ്പർ എടുത്തു..