ഇവാ, An Angelic Beauty Part 2[മാലാഖയുടെ കാമുകൻ] 1717

“നീ കൊള്ളാമല്ലോ മോനെ.. ഐ ലൈക് ഹിം..”

അവൻ അവന്റെ കൂട്ടുകാരോട് പറഞ്ഞു എഴുന്നേറ്റ് റോക്കിന്റെ തോളിൽ കൈവച്ചു..

“സോറി മാൻ.. അവൾക്ക് എടുത്തു ചാട്ടം കൂടുതൽ ആണ്.. തെറ്റുധരിച്ചു പോയി.. സോറി.. ഞാൻ നിന്നെ അടിക്കാൻ പാടില്ലായിരുന്നു.. ആം സോറി.. ഇനി ആവർത്തിക്കില്ല..”

ഡാനി അതും പറഞ്ഞു അവനെ ഒന്ന് ഹഗ് ചെയ്ത ശേഷം നടന്നു പോയപ്പോൾ റോക്കും അത് കണ്ട ആളുകളും അമ്പരന്നു നിന്നു..

“ആദ്യം അനിയത്തി, ഇപ്പോൾ ചേട്ടൻ.. രണ്ടുപേരുടെയും ലിസ്റ്റിൽ ഇല്ലാത്ത വാക്കുകൾ ആണ് മോനെ സോറി.. നിനക്ക് ഭാഗ്യം ഉണ്ട്..”

ജോൺ വന്നു അവന്റെ തോളിൽ കൈവച്ചു.

റോക്ക് എന്തോ പറയാൻ വന്നപ്പോൾ ആണ് രാവിലെ കണ്ട പോർഷെ സ്പൈഡർ മിന്നൽ പോലെ അവിടേക്ക് പാഞ്ഞു വന്നു ബ്രേക്ക് ഇട്ടു ഒന്ന് വട്ടം തിരിഞ്ഞു നിന്നത്..

അതിൽ നിന്നും ഇവാ ഇറങ്ങി ഡോർ പോലും അടക്കാതെ റോക്കിന്റെ മുൻപിൽ വന്നു.. രാവിലത്തെ അതെ വേഷം.

“മാറി നിക്കടാ.”

റോക്കിന്റെ അടുത്ത് വന്ന ജോണിനെ അവൾ പിടിച്ചു തള്ളി മാറ്റി.

അതിന് ശേഷം അവൾ റോക്കിനെ നോക്കി.. അവളുടെ കണ്ണുകൾ കലങ്ങിയിരുന്നു.

“ആം സോറി റോക്ക്.. നീ ആരാണെന്നു പോലും എനിക്കറിയില്ല.. പക്ഷെ ആ ഫോട്ടോ.. അതെനിക്ക് എത്ര വിലപെട്ടതാണെന്നു പറയാൻ പോലും കഴിയില്ല.. നിനക്ക് എന്നോടുള്ള ദേഷ്യത്തിന് അത് കീറി കളയാമായിരുന്നു.. ബട്ട് നീ എനിക്ക് അത് തന്നു.. “

അത് പറഞ്ഞു അവൾ ഒന്ന് നിർത്തി.. അവളുടെ വലത്തേ കൈ അവന്റെ തലയുടെ പുറകിൽ എത്തിയപ്പോൾ അവൻ ഒന്ന് അമ്പരന്നു..

“ഈ മനസ്… ഈ കണ്ണുകൾ.. എനിക്ക് വേണം റോക്ക്.. യെസ്.. ഐ ലവ് യു ആൾറെഡി.. എനിക്ക് വേണം നിന്നെ..”

അവൾ അത് പറഞ്ഞതും ഞെട്ടി നിന്ന റോക്കിന്റെ തലമുടിയിൽ പിടിച്ചു മുഖം അടുപ്പിച്ചു അവന്റെ ചുണ്ടുകളെ അവളുടെ അധരങ്ങൾ കൊണ്ട് കവർന്നു..

അത് കണ്ടുനിന്ന ഏവരും ഞെട്ടി..

റോക്ക് കുതറി.. അവൾ വിട്ടില്ല..

അവളുടെ നനുത്ത ഇളം ചൂടുള്ള അധരങ്ങളുടെ സ്പർശനം അവനെ തളർത്തി..
അവളുടെ പിടി വീണ്ടും മുറുകി.. അവൾ പ്രാന്തമായി അവനെ ചുംബിച്ചു.. ആളുകൾ അത് നോക്കി ഞെട്ടി നിന്നു.. ആസൂയ നിറഞ്ഞ കണ്ണുകൾ.. അതിൽ ടീച്ചർമാരും ഉണ്ടായിരുന്നു.

അധരങ്ങൾ അടർത്തി അവൾ അവനെ നോക്കി..

“നാളെ.. നാളെ ഞാൻ നിന്നെ പ്രൊപ്പോസ് ചെയ്യും.. യെസ് എന്നല്ലാതെ നീ ഒന്നും പറയില്ല.. പറയാൻ പാടില്ല..

ആൻഡ്‌ വൺ മോർ തിങ്.. നീ എന്നെ അല്ലാതെ വേറെ ആരെയെങ്കിലും സ്നേഹിച്ചാൽ..

ഞാൻ അവളെ വണ്ടി കയറ്റി കൊല്ലും.. ഇത് ഇവയാണ് പറയുന്നത്..മൈൻഡ് ഇറ്റ്…”

അവൾ അതും പറഞ്ഞു അവന്റെ നെഞ്ചിൽ പിടിച്ചു ശക്തിക്ക് ഒരു തള്ളു തള്ളി..

അവൻ പുറകോട്ട് വേച്ചു പോയി ബൈക്കിൽ ഇടിച്ചു നിന്നു..

അവൾ ചുറ്റും ഒന്ന് നോക്കി തിരികെ നടന്നു കാറിൽ കയറി… അത് പൊടി പറത്തി ഹുങ്കാര ശബ്ദത്തോടെ അകന്നുപോയപ്പോൾ ശ്വാസം പോലും എടുക്കാൻ മറന്ന് നിൽക്കുകയായിരുന്നു റോക്ക്..

തുടരും