ഇവാ, An Angelic Beauty Part 2[മാലാഖയുടെ കാമുകൻ] 1717

ശിവരഞ്ജിനി കാൻസർ വന്നു മരണപ്പെട്ടിരുന്നു.. ഭർത്താവ് അതോടെ അവളെ ഉപേക്ഷിച്ചു പോയി..

അനന്യ കുറെയധികം കഷ്ടപ്പെട്ടു എങ്കിലും ശിവരഞ്ജിനിയുടെ ജീവൻ നിലനിർത്താൻ ആയില്ല..

ഈ വീടും പുരയിടവും വിൽക്കാൻ ശ്രമിച്ചപ്പോൾ അതും നടന്നില്ല.. നാട്ടുകാർ ഇവർ ചതിച്ചു നേടിയതാണെന്ന് പറഞ്ഞതുകൊണ്ട് ആരും എടുക്കാൻ തയ്യാറായതും ഇല്ല.. ശിവരഞ്ജിനിയുടെ ഭർത്താവ്‌ വന്നതേ ഇല്ല. മകൾ ഉള്ള കാര്യം പോലും അയാൾ ഓർത്തില്ല..

അവൾ ഇപ്പോൾ ഒറ്റക്ക് ആണ്. അവൾ അടുത്തുള്ള ഒരു വീട്ടിൽ അടുക്കളപ്പണി ചെയ്തു ജീവിക്കുന്നു.

ഇതൊക്കെ കേട്ടപ്പോൾ ഭദ്ര കരഞ്ഞുപോയി.. അപ്പനും അമ്മയും നഷ്ടപ്പെടുമ്പോൾ ഉണ്ടാകുന്ന ദുഃഖം അനുഭവിച്ചവൾ ആണ് ഭദ്ര..

ആ അവസ്ഥയിൽ ആണ് അനന്യ എന്നുകൂടെ ചിന്തിച്ചപ്പോൾ പഴയത് ഒന്നും ഓർത്തുവെക്കാൻ അവൾ തുനിഞ്ഞില്ല..

അനന്യയെ അവർ വീട്ടിലേക്ക് കൊണ്ടുവന്നു..

ഒരു ദിവസം അവളെ അവരുടെ ഒരു ഷോപ്പിൽ ജോലി ആക്കി കൊടുക്കുകയും ചെയ്തു..

ഭദ്ര ഒരു വകീൽ ആകാനുള്ള ബാക്കി കാര്യങ്ങൾ കൂടെ ചെയ്തുവന്നു..

അവൾ പേരെടുത്ത ഒരു വകീലിന്റെ കീഴിൽ കോർട്ടിൽ പ്രാക്ടീസ് ചെയ്യാനും തുടങ്ങി..

ഭദ്രയുടെ പേര് വളരെ വേഗമാണ് പരന്നത്‌.. അവൾ ആ ജോലിയിൽ അതിബുദ്ധിശാലി ആയിരുന്നു.. അവളെ ഏൽപ്പിച്ച കേസുകൾ എല്ലാം അവൾ വിജയിച്ചു.

ഒരു ദിവസം ഭദ്രയെ കാണാൻ ഒരാൾ വന്നു.. ഒരു പെൺകുട്ടി..

അവളുടെ അച്ഛനെ അയാളുടെ സ്വത്തുക്കൾ കൈക്കൽ ആക്കാൻ വേണ്ടി ഒരു രാഷ്ട്രീയക്കാരൻ കൊന്നതിന്റെ സാക്ഷി ആയിരുന്നു ആ പെൺകുട്ടി.

അയാളുടെ പണത്തിന്റെയും പിടിപാടിന്റെയും മുൻപിൽ ഒരു വകീൽ പോലും അയാൾക്ക് എതിരെ കേസ് എടുത്തിരുന്നില്ല..