ഇവാ, An Angelic Beauty Part 2[മാലാഖയുടെ കാമുകൻ] 1717

“മിണ്ടാതിരിക്കടീ പട്ടികളെ.. അവളെ കണ്ടാൽ പേടിച്ചു മുള്ളുന്നവർ ആണ് കിടന്ന് ഡയലോഗ് അദിക്കുന്നത്‌.. പോയെടീ..”

ജോൺ അവന്റെ ദേഷ്യം മറച്ചു വെച്ചില്ല.. അത് കേട്ടതും പെൺപിള്ളേർ മെല്ലെ വലിഞ്ഞു.. ജോൺ അവനെയും കൊണ്ട് ക്ലാസ്സിൽ ചെന്നു.. ഏറ്റവും ബാക്കിൽ ഇരുത്തി..

“ഇനി ഇവിടെ ഇരുന്നോ..”

അവൻ റോക്കിന്റെ ബാഗും എടുത്തു അവിടെ വച്ചു.

റോക്ക് ഭിത്തി ചാരി ഇരുന്നു.. തല കറങ്ങുന്നു.. ഏതോ ഒരു കുട്ടി വെള്ളം കൊടുത്തപ്പോൾ അവൻ അത് കുടിച്ചു..

“ചുണ്ട് പൊട്ടി. ഇവിടെ ഇരിക്ക്.. മരുന്ന് എടുത്തിട്ട് വരാം..”

ജോൺ പുറത്തേക്ക് പോയി.. അവൻ നല്ലൊരു ഫ്രണ്ട് ആണെന്ന് റോക്കിന് മനസിലായി..

പെട്ടെന്ന് പെൺകുട്ടികളുടെ സംസാരം നിന്നു.. റോക്ക് തലപൊക്കി നോക്കി..

വാതിൽക്കൽ ഇവാ.. ചിരിയാണ് മുഖത്ത്.. അവൾ മെല്ലെ വന്നു റോക്കിന്റെ മുൻപിൽ ഇട്ടിരുന്ന ഡെസ്കിൽ കയറി ഇരുന്നു.

ബൂട്ട് ഇട്ട കാൽ അവന്റെ ബെഞ്ചിൽ വച്ചുകൊണ്ടു അവനെ നോക്കി..

“ഹാപ്പി..? പറഞ്ഞില്ലേ ഞാൻ..? പെൺകുട്ടികളെ കയറി ചൊറിയരുത് എന്ന് ഇന്ന് കോളജിൽ വന്നപ്പോൾ നിന്റെ അമ്മ പറഞ്ഞു തന്നില്ലെടാ..?”

അവൾ പുച്ഛത്തിൽ ചോദിച്ചു..

“മമ്മ മരിച്ചിട്ട് കാലം കുറെ ആയി.. അതുകൊണ്ടു പറഞ്ഞു തന്നില്ല…”

റോക്ക് മെല്ലെ പറഞ്ഞപ്പോൾ അവളുടെ ചിരി മാഞ്ഞു..

അവൾ കാലു താഴ്ത്തി. ഡെസ്കിൽ നിന്നും ഇറങ്ങി അതിന് മുൻപിലെ ബെഞ്ചിൽ ഇരുന്നു..

അവന്റെ താടി പിടിച്ചു പൊക്കി.. അവന്റെ കണ്ണിലേക്ക് നോക്കിയപ്പോൾ അവളുടെ മുഖം മാറിയത് അവൻ ശ്രദ്ധിച്ചു..

“നീ.. എന്തിനാ എന്റെ അടുത്ത് വന്നത്‌..?”

അവൾ സംശയത്തോടെ ചോദിച്ചു.. റോക്ക് ബാഗിൽ നിന്നും ബുക്ക് എടുത്തു തുറന്നു. അതിൽ നിന്നും ആ ഫോട്ടോ എടുത്തു അവൾക്ക് കൊടുത്തു..