ഇവാ, An Angelic Beauty Part 2[മാലാഖയുടെ കാമുകൻ] 1724

കോളേജിലും ഭദ്ര സ്റ്റാർ ആയി.. രാത്രി ഹോട്ടൽ നടത്തി പഠിക്കുന്ന പെൺകുട്ടി അവർക്ക് അഭിമാനം ആയിരുന്നു. പഠിക്കാനും ഒന്നാമത് ആയി അവൾ.

ഭദ്രയുടെ പുറകെ ഒരാൾ ഉണ്ടായിരുന്നു.. അവളുടെ ഒരു സീനിയർ.. ആദി എന്ന് വിളിക്കുന്ന ഒരുത്തൻ. ഒരു ദിവസം ക്ലാസ് കഴിഞ്ഞു നടന്നുവരുന്ന ഭദ്രയെ അവനും അവന്റെ ഫ്രണ്ട് അരുണും കൂടെ വിളിച്ചു..

“ഭദ്ര..?”

അവൾ തിരിഞ്ഞു നോക്കി..

“അഹ് അരുൺ ഏട്ടനോ? എന്താ..?”

അവൻ അവളുടെ അടുത്തേക്ക് വന്നു..

“ഭദ്ര ഒരു കാര്യം പറയാൻ ഉണ്ട്. ആദിക്ക് നിന്നെ ഇഷ്ടമാണ്.. അറിയാമല്ലോ നല്ല പണക്കാരൻ ആണ്.. നിന്നെപ്പോലെ ഒരാൾക്ക് സ്വപ്‌നം പോലും കാണാൻ പറ്റാത്ത അത്ര മുകളിൽ ആണ് അവൻ.. സൊ… നീ അവന്റെ ഗേൾഫ്രണ്ട് ആകണം എന്നാണ് എനിക്ക് പറയാൻ ഉള്ളത്..”

ഭദ്ര ഒരു നിമിഷം അവനെ നോക്കി.. അപ്പുറത്തു മാറി നിൽക്കുന്ന ആദിയെ നോക്കി.. അതിന് ശേഷം പൊട്ടി ചിരിക്കാൻ തുടങ്ങി.. അരുൺ ദേഷ്യത്തോടെ അവളെ നോക്കി നിന്നു..

“ആർ യു ഡിമാൻഡിങ്..?”

ചിരി ഒതുക്കി അവളുടെ തിരികെ ഉള്ള ചോദ്യം കേട്ടപ്പോൾ അവൻ ഒന്നും മിണ്ടിയില്ല.

“പണം ഉണ്ടെങ്കിൽ അവന് രണ്ടു കൊമ്പ് ഉണ്ടാകുമോ..?അതിൽ ഭദ്ര വീഴില്ല..

പിന്നെ എനിക്ക് അത്യാവശ്യം ചങ്കൂറ്റം ഉള്ള ആണുങ്ങളെ ആണ് ഇഷ്ട്ടം. ഇഷ്ട്ടം പറയാൻ പോലും വേറെ ഒരുത്തന്റെ സഹായം വേണ്ടവനോട് എനിക്ക് പ്രേമം പോയിട്ട് പുഛം പോലും തോന്നുന്നില്ല.. ഗെറ്റ് എ ലൈഫ് മാൻ..”

അവൾ അതും പറഞ്ഞു പോയപ്പോൾ അരുൺ അടി കിട്ടിയതുപോലെ നടന്നു.. അത് കേട്ട് ആദി ദേഷ്യത്തോടെ പല്ലു ഞെരിച്ചു.

“അവളുടെ അഹങ്കാരം ഞാൻ മാറ്റുന്നുണ്ട്…”

അവൻ പറഞ്ഞതും ഇതും ഒക്കെ കേട്ട് നിന്ന ഒരു ആൾ ഉണ്ടായിരുന്നു അവിടെ.. ആ നാട്ടുകാരൻ തന്നെ..