ഇവാ, An Angelic Beauty Part 2[മാലാഖയുടെ കാമുകൻ] 1724

വേഗം വേഷം മാറി ചെന്നപ്പോൾ ഭദ്ര ഇഡലിയും സാമ്പാറും വിളമ്പുകയാണ്.. അവൻ ചെന്ന് ചായ ഫ്ലാസ്കിൽ നിന്നും രണ്ടു ഗ്ലാസിൽ പകർന്നു..

അവൾ അവന് കുറച്ചു ഇഡലി എടുത്തു സാമ്പാറിൽ മുക്കി വായിൽ വച്ച് കൊടുത്തപ്പോൾ ഇരുവരുടെയും കണ്ണുകൾ ഒന്ന് നനഞ്ഞു..

ചേച്ചിയെ ഇനി ഞാൻ പട്ടിണിക്ക് ഇടില്ല എന്ന് പറഞ്ഞ ആ കൊച്ചു ചെക്കനെ അവൾക്ക് ഓർമവന്നു…

“അതെ.. ഇന്ന് കൊച്ചി കാണാൻ പോകാം.. സെന്റി വേണ്ട..”

അവൾ ചിരിച്ചു കൊണ്ട് പറഞ്ഞപ്പോൾ അവനും ചിരിച്ചു.. കഴിച്ചു കഴിഞ്ഞപ്പോൾ അവൾ അവന്റെ കണ്ണ് പുറകിൽ നിന്നും പൊത്തി.

“നിനക്ക് ഒരു സമ്മാനം ചേച്ചിയുടെ വക.. പുറത്തേക്ക് നടക്ക്..”

അവൾ അതും പറഞ്ഞു അവനെ പുറത്തേക്ക് നടത്തി.. അവൻ മിണ്ടാതെ നടന്നു..

അവൾ കൈമാറ്റിയപ്പോൾ അവൻ കണ്ടു. മിറ്റത്ത് പുത്തൻ സിൽവർ കളർ റോയൽ എൻഫീൽഡ് ബൈക്ക്.

“ചെക്കന് എന്റെ വക…”

അവൻ അത് കേട്ടപ്പോൾ സന്തോഷം കൊണ്ട് അവളെ എടുത്തുപൊക്കി വട്ടം കറക്കി..
അവൾ പൊട്ടിചിരിച്ചുകൊണ്ടു അവന്റെ കവിളിൽ പിടിച്ചു വലിച്ചു..

“കോടതിയെ വിറപ്പിക്കുന്ന ഭദ്ര വക്കീൽ അനിയന്റെ ഒപ്പം കളിക്കുന്നോ..?”

സ്വരം കേട്ട് ഇരുവരും നോക്കി. അനന്യ ആണ്. അവൾ രാവിലെ തന്നെ കുറെ ഫയലുകളും ആയി വന്നതാണ്.. അവർക്ക് അല്പം മാറി ഒരു വീട്ടിൽ താമസം ഒരുക്കിയിരുന്നു.

“നീ പോടീ.. എന്റെ മാത്രം ചേച്ചി ആണ് ഇത്…”

അവൻ ഭദ്രയെ താഴെ നിർത്തി അവളെ നോക്കി ചിറി കോട്ടി.. അത് കണ്ടപ്പോൾ അവൾ ചിരിച്ചു. അനന്യ അവരോടു നല്ല കൂട്ട്‌ ആയിരുന്നു..

വീട് പൂട്ടി ബൈക്ക് എടുത്തു, ഭദ്ര പുറകിൽ കയറി. ഇന്ന് മൊത്തം ഔട്ടിങ് ആണ്.. നാളെ മുതൽ ഭദ്ര തിരക്കിൽ ആകും, അവനും..