ഇവാ, An Angelic Beauty Part 2[മാലാഖയുടെ കാമുകൻ] 1724

“അടിച്ചു ഓടിക്കെടാ അവമ്മാരെ…”

പുറകിൽ നിന്നും അലർച്ച കേട്ട ഗുണ്ടകൾ ഞെട്ടി..

രാഘവനും നാട്ടുകാരും ഓടി വരുന്നു.. അവർക്ക് വണ്ടികളിൽ കയറാൻ പോലും സമയം കിട്ടിയില്ല. അതിന് മുൻപേ വടികൾ കൊണ്ട് അടി തുടങ്ങിയിരുന്നു… നാട്ടുകാർ അവരെ എടുത്തിട്ട് പെരുമാറി..

അവസാനം അവർ വണ്ടികൾ ഇട്ടു ഓടേണ്ടി വന്നു..

ഇതൊക്കെ നോക്കി ഭദ്ര ചിരിക്കുകയയിരുന്നു.. അതിശയത്തോടെ ആ പെൺകുട്ടിയും..

“മോള് പേടിക്കണ്ട. ഒരുത്തനും ഈ വീട്ടിൽ വരില്ല..ഒരാൾ വീതം കാവൽ ഉണ്ടാകും…”

രാഘവൻ വന്നു പറഞ്ഞപ്പോൾ ഭദ്ര ചിരിയോടെ അകത്തേക്ക് നോക്കി.. ഇതൊക്കെ കണ്ടു അമ്പരന്നു നിൽക്കുകയായിരുന്നു ആ പെൺകുട്ടിയും റോക്കും..

ആ കുട്ടിയെ ഭദ്ര വീട്ടിൽ അവരുടെ കൂടെ നിർത്താൻ തീരുമാനിച്ചു.

പല വെല്ലുവിളികളും അവരുടെ ലൈഫിൽ അതോടെ ഉണ്ടായി.. അവരുടെ തട്ടുകടകളിൽ ആളുകൾ പ്രശ്നങ്ങൾ ഉണ്ടാക്കി..

ഭദ്ര തളർന്നില്ല. അവൾ കൂദുതൽ തെളിവുകൾ ഉണ്ടാക്കിയെടുത്തു. ചില Cctv ദൃശ്യങ്ങൾ അടക്കം അവൾക്ക് കിട്ടിയിരുന്നു..

കേസ് രണ്ടോ മൂന്നോ തവണ മാറ്റി വച്ചു എങ്കിലും വിധി പറയുന്നതിന്റെ തലേ ദിവസം..

വേണ്ട കാര്യങ്ങൾ എല്ലാം എടുത്തു വച്ച് ഭദ്ര സ്കൂട്ടിയിൽ കയറി.. അവൾ ഒരു വാടകമുറി എടുത്തിരുന്നു..

അവിടെ നിന്നും അര കിലോമീറ്റർ മാത്രമാണ് അവരുടെ ഷോപ്പ്..

റോക്ക് കൂട്ടാൻ വരാമെന്നു പറഞ്ഞു എങ്കിലും ഭദ്ര സമ്മതിച്ചില്ല.. അഞ്ചുമണി ആകുന്നതേ ഉണ്ടായിരുന്നുള്ളു..

അവൾ ഫയൽ വണ്ടിയിൽ ഭദ്രമായി വച്ച് വണ്ടി എടുത്തു..

അവൾ വണ്ടി എടുത്തപ്പോൾ പുറകിൽ ഒരു കറുത്ത സഫാരി കൂടെ മുൻപോട്ട് നീങ്ങി..